അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ലോകം മുഴുവന്‍ ഏറ്റെടുത്ത ബ്ലോക്ക്ബസ്റ്റര്‍ ചിത്രമായ ‘പുഷ്പ: ദി റൈസി’ന്റെ രണ്ടാം ഭാഗമായെത്തുന്ന ‘പുഷ്പ 2: ദി റൂളി’ന്റെ ആദ്യ പകുതി പൂര്‍ത്തിയായിരിക്കുകയായിരിക്കുകയാണ്. ‘ഫസ്റ്റ് ഹാഫ് ലോക്ക്ഡ്, ലോഡഡ് ആൻഡ് പാക്ക്ഡ് വിത്ത് ഫയർ’ എന്ന് കുറിച്ചുകൊണ്ടാണ് പുതിയ പോസ്റ്റ‍ർ അണിയറപ്രവർത്തകർ പുറത്തുവിട്ടിരിക്കുന്നത്. ചിത്രം ഡിസംബർ 6 ന് ചിത്രം പ്രദർശനത്തിനെത്തും.
ചരിത്രത്തിന് സാക്ഷ്യം വഹിക്കാന്‍ ഒരുങ്ങിക്കോളൂ, ഇന്ത്യന്‍ ബോക്‌സ് ഓഫീസില്‍ കൊടുങ്കാറ്റാകാന്‍ ഡിസംബര്‍ ആറിന് പുഷ്പ അവതരിക്കുമെന്ന് കുറിച്ചുകൊണ്ടാണ് സിനിമയുടെ പുതിയ അപ്‌ഡേറ്റ് നിര്‍മ്മാതാക്കള്‍ പ്രഖ്യാപിച്ചിരിക്കുന്നത്. ആദ്യ ഭാഗത്തിന്റെ അപാരമായ ജനപ്രീതിയെ തുടര്‍ന്ന് ഐക്കണ്‍ സ്റ്റാര്‍ അല്ലു അര്ജുന് ടൈറ്റില്‍ റോളില്‍ എത്തുന്ന രണ്ടാം ഭാഗത്തിനും വലിയ ബോക്‌സ് ഓഫീസ് പ്രതിഭാസമാകുമെന്നാണ് ആരാധകരുടെ പ്രതീക്ഷ. ആക്ഷനും മാസുമായി ഒരു ദൃശ്യ ശ്രവ്യ വിസ്മയം തന്നെ പ്രേക്ഷകർക്ക് ചിത്രത്തിലൂടെ പ്രതീക്ഷിക്കാം.
റോക്ക് സ്റ്റാർ ദേവി ശ്രീ പ്രസാദിന്‍റെ സംഗീതവും അതിശയിപ്പിക്കുന്ന ദൃശ്യങ്ങളും തികച്ചും പുതിയൊരു കാഴ്ച വിപ്ലവം തന്നെ തീർക്കുമെന്നാണ് അണിയറപ്രവർത്തകരുടെയും കണക്കുകൂട്ടൽ. സുകുമാര്‍ സംവിധാനം ചെയ്ത ‘പുഷ്പ ദി റൈസ്’ ആദ്യഭാഗം രണ്ട് ദേശീയ ചലച്ചിത്ര പുരസ്‌കാരങ്ങളും 7 സംസ്ഥാന ചലച്ചിത്ര പുരസ്‌കാരങ്ങളും നേടിയെടുത്തിരുന്നു. ഇതിന്റെ തുടർച്ചയായി എത്തുന്ന ‘പുഷ്പ 2 ദി റൂള്‍’ സകല റെക്കോര്‍ഡുകളും തകിടംമറിച്ച് മുന്നേറും എന്നാണ് ആരാധകരുടെ കണക്ക്കൂട്ടല്‍.
ചിത്രത്തില്‍ അല്ലു അര്ജുന് പുറമെ രശ്മിക മന്ദാന, ഫഹദ് ഫാസില്‍, സുനില്‍, ജഗപതി ബാബു, പ്രകാശ് രാജ് തുടങ്ങിയവർ പ്രധാന വേഷത്തിൽ എത്തും.
STORY HIGHLIGHT: puspha the rule completes its first half
