മുംബൈയില്‍ സംഘടിപ്പിച്ച ദുര്‍ഗ പൂജ ചടങ്ങുകള്‍ക്കിടെ ദേഷ്യപ്പെടുന്ന നടി കാജോളിന്റെ വീഡിയോ സാമൂഹികമാധ്യമങ്ങളില്‍ പ്രചരിക്കുന്നു. ദുര്‍ഗ പൂജ നടന്ന പന്തലില്‍ ചിലര്‍ ചെരിപ്പിട്ട് കയറിയതാണ് നടിയെ പ്രകോപിപ്പിച്ചത്. നിയന്ത്രണം നഷ്ടപ്പെട്ട താരം ദേഷ്യത്തോടെ ഇവരോട് മാറിനില്‍ക്കാന്‍ ആവശ്യപ്പെടുകയായിരുന്നു.
ചെരിപ്പിട്ട് പന്തലില്‍ കയറിയ പലരും വിഗ്രഹങ്ങള്‍ക്കരികിലേക്ക് എത്തിയതോടെയാണ് നടി ദേഷ്യപ്പെട്ട് ഇവരോട് മാറിനില്‍ക്കാന്‍ പറഞ്ഞത്. ‘ദയവായി ചെരിപ്പ് ധരിക്കരുത്. ചെരിപ്പ് ധരിച്ചവരെല്ലാം ദയവായി മാറിനില്‍ക്കൂ. ഇത് ഒരു പൂജയാണ്. എല്ലാവരും ബഹുമാനം കാണിക്കൂ’ എന്നാണ് കജോൾ മൈക്കിലൂടെ പറഞ്ഞത്. അതിനിടെ, ദുര്‍ഗ പൂജ പന്തലില്‍ വിടാതെ പിന്തുടരുന്ന മാധ്യമ പ്രവർത്തകരോട് കജോള്‍ ദേഷ്യപ്പെടുന്നതിന്റെ ദൃശ്യങ്ങളും പുറത്തുവന്നിട്ടുണ്ട്. പൂജയ്‌ക്കെത്തുന്ന അതിഥികളെ വിടാതെ പിന്തുടര്‍ന്ന് ഫോട്ടോയെടുക്കുന്നതും അവരുടെ വഴി തടസ്സപ്പെടുത്തിയതിനുമാണ് നടി ഇത്തരത്തിൽ പ്രതികരിച്ചത്. നിരവധി പേരാണ് താരത്തിന് പിന്തുണയുമായി കമെന്റ് ബോക്സിൽ എത്തിയത്.
മുംബൈ സാന്റാക്രൂസില്‍ എല്ലാവര്‍ഷവും നടി കജോളും കുടുംബവും ദുര്‍ഗ പൂജ ചടങ്ങുകള്‍ സംഘടിപ്പിക്കാറുണ്ട്. ജയ ബച്ചന്‍, റാണി മുഖര്‍ജി, സുസ്മിത സെന്‍ തുടങ്ങി ബോളിവുഡിലെ പ്രമുഖ താരങ്ങളടക്കം ഒട്ടേറെപ്പേർ ചടങ്ങിൽ പങ്കെടുത്തു.
STORY HIGHLIGHT: actress kajol gets angry