ലുലുവിൽ അക്ഷരമധുരം നുകർന്ന് കുരുന്നുകൾ ; ആദ്യാക്ഷരം കുറിച്ച് ആദിവാസി ഊരുകളിലെ കുട്ടികളും

സാമൂഹ്യരംഗത്തെ പ്രമുഖർ ഗുരുക്കൻമാരായി ആദ്യാക്ഷരം പകർന്നു

കൊച്ചി : ‘ ലുലു വിദ്യാരംഭ’ ത്തിലൂടെ അക്ഷരവെളിച്ചത്തിലേക്ക് ആദ്യാക്ഷരം കുറിച്ച് കുരുന്നുകൾ. മലയാളത്തിൻറെ തനിമയും നാടിൻറെ നന്മയും വിളിച്ചോതി വിപുലമായ രീതിയിലായിരുന്നു ലുലുവിലെ വിദ്യാരംഭ ചടങ്ങുകൾ. സാമൂഹ്യസാംസ്കാരിക രംഗത്തെ പ്രമുഖരുടെ സാന്നിദ്ധ്യത്തിൽ രാവിലെ 9 മണിക്ക് വിദ്യാരംഭം ലുലു മെയിൽ ഏട്രിയത്തിൽ തുടങ്ങി. ശ്രീമാൻ നാരായണൻ ഭദ്രദീപം കൊളുത്തി വിദ്യാരംഭചടങ്ങുകൾ ഉദ്ഘാടനം ചെയ്തു. രജിസ്ട്രേഷനിലൂടെ എത്തിയ കുട്ടികൾക്കൊപ്പം ആദിവാസി ഊരുകളിലെ നൂറിലേറെ കുട്ടികളും ലുലു വിദ്യാരംഭത്തിലൂടെ അക്ഷരവഴിയിലേക്ക് ചുവടുവച്ചു.

അടിമാലി ആദിവാസി റേഞ്ചിലെ പിണവൂർകുടി, കുന്നശ്ശേരി, വെള്ളാരംകുത്ത്, കൊരത്തിക്കുടി, ചൂരൻകണ്ടൻക്കുടി, വാളറക്കുടി ഊരുകളിൽ നിന്നുള്ള കുട്ടികളാണ് ലുലുവിൽ വിദ്യാരംഭത്തിൽ പങ്കെടുത്ത് ആദ്യാക്ഷരം കുറിച്ചത്. അക്ഷരമധുരം നുകർന്ന ശേഷം ലുലുമാൾ കണ്ട് ആസ്വദിച്ച് ഇവർക്കായി പ്രത്യേകം ഒരുതിയിരുന്ന ഭക്ഷണവും കഴിച്ചാണ് ആദിവാസി ഊരുകളിലെ കുട്ടികളും മാതാപിതാക്കളും മടങ്ങിയത്. ലുലു ഫൺടൂറയിലെ ഗെയിമിങ് സോണുകൾ കുട്ടികൾക്ക് നവ്യാനുഭവമാണ് സമ്മാനിച്ചത്. പനംകുളം ഫോറസ്റ്റ് റേഞ്ചിലെ ഉദ്യോഗസ്ഥരും ഇവർക്കൊപ്പമുണ്ടായിരുന്നു. പ്രഗത്ഭരായ ഗുരുക്കൻമാർ നേതൃത്വം നൽകിയ ലുലുവിലെ വിദ്യാരംഭത്തിൽ പങ്കെടുക്കാൻ അവസരം നൽകിയതിനും, മികച്ച സ്വീകരണത്തിനും ലുലു ഗ്രൂപ്പ് ചെയർമാൻ എം.എ യൂസഫലിക്ക് ആദിവാസി ഊരുകളിലെ കുട്ടികളുടെ മാതാപിതാക്കൾ നന്ദി പറഞ്ഞു.

ഗാന്ധിയൻ ശ്രീമാൻ നാരായണൻ, ഗായകൻ സുധീപ് കുമാർ, നടൻ ശ്രീകാന്ത് മുരളി, എഴുത്തുകാരനും സംവിധായകനുമായ അഭിലാഷ് പിള്ള, നൃത്തകിയും നടിയുമായ കലാമണ്ഡലം സോഫിയ, നടിയും നൃത്തകിയുമായ കൃഷ്ണ പ്രഭ എന്നിവരാണ് കുരുന്നുകൾക്ക് അക്ഷരമധുരം പകർന്നത്.

വിദ്യാരംഭ ചടങ്ങിൽ ആദ്യാക്ഷരം കുറിച്ച കുട്ടികൾക്ക് പ്രത്യേകം സമ്മാനങ്ങളും നൽകി.

ഇടുക്കി എറണാകുളം, ആലപ്പുഴ ജില്ലകൾ ലയൺസ് ഇന്റർനാഷണൽ ഡിസ്ട്രിക് (318C) ൻറെ സഹകരണത്തോടെയായിരുന്നു വിദ്യാരംഭചടങ്ങുകൾ. ലയൺസ് ക്ലബ്ബ് ഡിസ്ക്ട്രിക് ഗവർണർ രാജൻ എൻ നമ്പൂതിരി അധ്യക്ഷത വഹിച്ചു. ലുലു റീജിയണൽ ഡയറക്ടർ സാദിഖ് കാസിം, ലുലു മീഡിയ കോ-ഓർഡിനേറ്റർ എൻ. ബി.സ്വരാജ്, മാൾ ജനറൽ മാനേജർ വിഷ്ണു നാഥ്, ലയൺസ് ക്ലബ്ബ് ഫസ്റ്റ് വൈസ് ഡിസ്ക്രിട് ഗവർണർ കെ.ബി ഷൈൻകുമാർ, കാബിനറ്റ് സെക്രട്ടറി ജോർജ് സാജു, കാബിനറ്റ് ട്രഷറർ സിബി ഫ്രാൻസിസ്, അഡ്മിനിസ്ട്രേറ്റീവ് സെക്രട്ടറി സജിത്ത് കുമാർ
എന്നിവർ പ്രസംഗിച്ചു. സാമൂഹിക സാംസ്കാരിക മേഖലയിലെ നിരവധി പ്രമുഖരും ചടങ്ങിൽ സാന്നിദ്ധ്യമേകി. കോതമംഗംലം ഐഎംഎ, ഇടമലയാർ ട്രൈബൽ സെറ്റൽമെൻറ് ജീവനക്കാരും ചടങ്ങിൽ ഭാഗമായി.
……………………….

ഫോട്ടോ ക്യാപ്ഷൻ :

1. കൊച്ചി ലുലു മാളിലെ വിദ്യാരംഭ ചടങ്ങുകൾ ശ്രീമാൻ നാരായണൻ ഭദ്രദീപം കൊളുത്തി വിദ്യാരംഭചടങ്ങുകൾ ഉദ്ഘാടനം ചെയ്യുന്നു.
ഗായകൻ സുധീപ് കുമാർ, നടൻ ശ്രീകാന്ത് മുരളി, തിരകഥാകൃത്ത് അഭിലാഷ് പിള്ള, നൃത്തകി കലാമണ്ഡലം സോഫിയ, നടി കൃഷ്ണ പ്രഭ ,
രാജൻ എൻ നമ്പൂതിരി സാദിഖ് കാസിം, എൻ. ബി.സ്വരാജ്, വിഷ്ണു നാഥ്, കെ.ബി ഷൈൻകുമാർ, ജോർജ് സാജു, സിബി ഫ്രാൻസിസ് എന്നിവർ സമീപം.
2. ലുലുവിലെ വിദ്യാരംഭ ചടങ്ങിൽ ആദ്യാക്ഷരം കുറിക്കുന്ന കുരുന്നുകൾ.