അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രേക്ഷകർക്കിടയിൽ തരംഗമായി ‘മുറ’ ചിത്രത്തിലെ ശ്രീനാഥ് ഭാസി ആലപിച്ച നൂലില്ലാ കറക്കം. ചിത്രത്തിലെ ഗാനം ഫഹദ് ഫാസിൽ തന്റെ സോഷ്യൽ മീഡിയയിലൂടെ റിലീസ് ചെയ്തു. വിനായക് ശശികുമാർ രചന നിർവഹിച്ച ഗാനത്തിന്റെ സംഗീത സംവിധാനം നിർവഹിച്ചിരിക്കുന്നത് ക്രിസ്റ്റി ജോബിയാണ്. കപ്പേളക്ക് ശേഷം മുഹമ്മദ് മുസ്തഫ സംവിധാനം ചെയ്യുന്ന ചിത്രം ‘മുറ’ ഒക്ടോബര്‍ 18ന് തിയേറ്ററുകളിലേക്കെത്തും.
ബീച്ചിലും പബ്ബിലുമായി ജീവിതം ആഘോഷിക്കുന്ന 4 യുവാക്കളെയാണ് ഗാനം അവതരിപ്പിക്കുന്നത്. സുരാജ് വെഞ്ഞാറമൂടും യുവതാരം ഹൃദു ഹാറൂണുമാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. സംഗീത സംവിധായകൻ അനിരുദ്ധ് രവിചന്ദറിന്റെ പേജിലൂടെയാണ് നേരത്തെ ചിത്രത്തിന്റെ പ്രോമോ സോങ് റിലീസ് ചെയ്തത്.
മാലാ പാർവതി, കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യെദു കൃഷ്ണാ,വിഘ്‌നേശ്വർ സുരേഷ്, കൃഷ് ഹസ്സൻ, സിബി ജോസഫ് എന്നിവരാണ് മുറയിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. മുറയുടെ രചന നിർവഹിക്കുന്നത് ഉപ്പും മുളകും ഫെയിം സുരേഷ് ബാബുവാണ്. എച്ച്ആര്‍ പിക്ചേഴ്സിന്റെ ബാനറില്‍ റിയാ ഷിബു ആണ് ചിത്രത്തിന്റെ നിര്‍മ്മാണം നിര്‍വഹിച്ചിരിക്കുന്നത്.
STORY HIGHLIGHT: mura movie song noolilla karakkam released
