അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തെന്നിന്ത്യൻ പ്രേക്ഷകരുടെ ക്യൂട്ട് നായിക എന്നാണ് പൊതുവെ നസ്രിയയെ ആരാധകർ വിശേഷിപ്പിക്കാറുള്ളത്. കുസൃതിയും കുറുമ്പും നിറഞ്ഞ ഭാവങ്ങൾ കൊണ്ട് എപ്പോഴും ആൾക്കൂട്ടത്തിൽ എപ്പോഴും വേറിട്ടു നിൽക്കുന്നു താരം. കുട്ടിക്കാലം മുതൽ തന്നെ ഒരു കുഞ്ഞു സെലിബ്രിറ്റി നസ്രിയയുടെ പഴയൊരു വീഡിയോ ആണ് സോഷ്യൽ മീഡിയയിൽ ഇപ്പോൾ വീണ്ടും വൈറലാവുന്നത്.
Nazriya 😀♥️ pic.twitter.com/siBNN04CtR
— AB George (@AbGeorge_) October 15, 2024
‘ഇഷ്ക് ഇഷ്ക് ഹെ’ എന്നു തുടങ്ങുന്ന ഗാനം വളരെ ആസ്വദിച്ച് പാടുന്നതിനൊപ്പം നൃത്തച്ചുവടുകളും വയ്ക്കുന്ന കുഞ്ഞു നസ്രിയയുടെ വിഡിയോയാണ് ഇപ്പോൾ സമൂഹമാധ്യമങ്ങളിൽ ഇടം പിടിക്കുന്നത്. അതിന്റെ കൂടെ ആവേശത്തിലെ രംഗണ്ണൻ അതൊന്നു ഓഫാക്ക് അമ്പാനേ… എന്ന ഡയലോഗും ചേർത്താണ് വീഡിയോ തയാറാക്കിയിരിക്കുന്നത്.
നിരവധിപേരാണ് വിഡിയോയിൽ കമെന്റുമായി എത്തിയിരിക്കുന്നത്. മലയാള സിനിമയിലേക്ക് ബാലതാരമായി എത്തിയ നസ്രിയ പിന്നീട് നായികയായി.
ഫഹദുമായുള്ള വിവാഹ ശേഷം അഭിനയ രംഗത്ത് നിന്നും ചെറിയൊരു ഇടവേളയെടുത്ത താരം. നാലു വർഷങ്ങൾക്ക് ശേഷം അഞ്ജലി മേനോന്റെ ‘കൂടെ’ എന്ന ചിത്രത്തിലൂടെ വീണ്ടും തിരിച്ചെത്തി. പിന്നീട് ട്രാൻസ്, മണിയറയിലെ അശോകൻ തുടങ്ങിയ മലയാളം ചിത്രങ്ങളിലും ‘അന്റെ സുന്ദരാനികി’ എന്ന തെലുങ്ക് ചിത്രത്തിലും അഭിനയിച്ചിരുന്നു. കൂടാതെ, നിർമാതാവ് എന്ന രീതിയിലും ശ്രദ്ധ നേടുന്ന വ്യക്തിയുമാണ് നസ്രിയ.
STORY HIGHLIGHT: nazriya nazim fahadh singing throwback video
