അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ധ്യാന്‍ ശ്രീനിവാസനും സണ്ണി വെയ്‌നും ആദ്യമായി ഒന്നിക്കുന്ന ‘ത്രയം’ സിനിമയുടെ ഉദ്വേഗഭരിതമായ നിമിഷങ്ങൾ സമ്മാനിക്കുന്ന ട്രെയിലർ പുറത്ത്. ജിത് വിനായക ഫിലിംസിന്‍റെ ബാനറിൽ വിനായക അജിത്ത് നിർമിച്ച് സഞ്ജിത്ത് ചന്ദ്രസേനൻ സംവിധാനം ചെയ്യുന്ന ചിത്രം ഒക്ടോബർ 25ന് തിയേറ്ററുകളിൽ എത്തും.
ചിത്രത്തിൽ ധ്യാൻ ശ്രീനിവാസൻ, സണ്ണി വെയ്ൻ, അജു വർഗീസ്, നിരഞ്ജ് മണിയൻപിള്ള രാജു എന്നിവർ പ്രധാന കഥാപാത്രത്തിൽ എത്തുന്നു. നിയോ-നോയിർ ജോണറില്‍ എത്തുന്ന ചിത്രത്തിൽ രാഹുല്‍ മാധവ്, ശ്രീജിത്ത് രവി, ചന്തുനാഥ്, ഡെയ്ന്‍ ഡേവിസ്, കാര്‍ത്തിക് രാമകൃഷ്ണന്‍, സുരഭി സന്തോഷ്, നിരഞ്ജന അനൂപ്, സരയൂ മോഹന്‍, അനാര്‍ക്കലി മരിക്കാര്‍, പ്രീതി തുടങ്ങിയവരാണ് ചിത്രത്തിൽ അണിനിരക്കുന്ന മറ്റ് പ്രധാന താരങ്ങൾ.
കഥാപാത്രമായി എത്തുന്ന എല്ലാവരുടെയും ഒന്നിനോടൊന്ന് മികച്ച പ്രകടനമാണ് ട്രെയ്ലറിന്റെ ഹൈലൈറ്റ്. കൂടതെ, സിനിമയിലേതായി പുറത്തിറങ്ങിയ പാട്ടുകളും ടീസറും പോസ്റ്ററുകളും ഇതിനകം ശ്രദ്ധ നേടിക്കഴിഞ്ഞിരുന്നു. ‘ഗോഡ്‌സ് ഓണ്‍ കണ്‍ട്രി’ എന്ന ചിത്രത്തിനു ശേഷം അരുണ്‍ കെ ഗോപിനാഥ് തിരക്കഥ സംഭാഷണമെഴുതുന്ന സിനിമയാണ് ‘ത്രയം’. ചിത്രത്തിന്‍റെ ഛായാഗ്രഹണം ജിജു സണ്ണി നിര്‍വ്വഹിക്കുന്നു.
STORY HIGHLIGHT: thrayam official traile out
