അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചലച്ചിത്ര ലോകവും ആരാധകരും ഏറെ പ്രതീക്ഷയോടെ കാത്തിരിക്കുന്ന പുഷ്പ 2: ദ റൂൾ എന്ന ചിത്രത്തിന്‍റെ പുതിയ പോസ്റ്റർ പുറത്തിറങ്ങി. പോസ്റ്ററിൽ നടൻ അല്ലു അർജുൻ സിഗ്നേച്ചര്‍ പുഷ്പ ലുക്കിലാണ് പ്രത്യക്ഷപ്പെടുന്നത്. പുതിയ പോസ്റ്റര്‍ ഇതിനോടകം ആരാധകര്‍ ഏറ്റെടുത്തു കഴിഞ്ഞു. ഡിസംബര്‍ 6ന് റിലീസ് പ്രഖ്യാപിച്ചിരുന്ന ചിത്രത്തിന്‍റെ ചിത്രീകരണം അവസാനഘട്ടത്തിലാണ് എന്നാണ് വിവരം. നേരത്തെ ഈ വര്‍ഷം ആഗസ്റ്റ് 15ന് റിലീസ് പ്രഖ്യാപിച്ച ചിത്രം പിന്നീട് റിലീസ് ഡിസംബറിലേക്ക് മാറ്റുകയായിരുന്നു.
തിളക്കമുള്ള ഷര്‍ട്ടിലും ചുവന്ന ലുങ്കിയിലുമാണ് താരം. ധാരാളം സ്വർണ്ണാഭരണങ്ങളും ധരിച്ചിട്ടുണ്ട്. സിനിമയെ കുറിച്ച് പുറത്ത് വരുന്ന ഓരോ അപ്ഡേറ്റും ആരാധകർക്കിടയിൽ വൻ കോളിളക്കമാണ് സൃഷ്ടിക്കുന്നത്. ഈ വർഷം ആദ്യം അല്ലു അർജുന്‍റെ ജന്മദിനത്തിലാണ് പുഷ്പ 2 ന്‍റെ നിർമ്മാതാക്കൾ ചിത്രത്തിന്‍റെ ടീസര്‍ പുറത്തിറക്കിയിരുന്നത്. ടീസറില്‍ അല്ലു സാരി ധരിച്ച് ഗുണ്ടകളുമായി ഒരു പോരാട്ടത്തിന് തയ്യാറായി നില്‍ക്കുന്നതാണ് കാണിച്ചത്. പോസ്റ്ററിൽ നിറഞ്ഞു നിൽക്കുന്ന ഒരു കൈ ആരാധകർക്കിടയിൽ ഏറെ ചർച്ചയാകുന്നുണ്ട്. വലിയ ട്വിസ്റ്റിന്റെ സൂചനയായാണ് ആരാധകർ ഇതിനെ കാണുന്നത്.
View this post on Instagram
സുകുമാർ സംവിധാനം ചെയ്യുന്ന ചിത്രത്തിൽ മലയാളത്തിന്റെ സ്വന്തം ഫഹദ് ഫാസിൽ ആണ് പ്രതിനായക വേഷത്തിൽ എത്തുന്നത് എന്നത് മലയാളികളിലും ആവേശം ഏറെയാണ്. ഭന്‍വര്‍ സിംഗ് ഷെഖാവത് എന്ന പൊലീസ് വില്ലൻ കഥാപാത്രത്തെയാണ് പുഷ്പയിൽ ഫഹദ് അവതരിപ്പിച്ചിരിക്കുന്നത്. അല്ലു അർജുനും ഫഹദിനുമൊപ്പം രശ്മിക മന്ദാന, സുനിൽ, പ്രകാശ് രാജ്, ജഗപതി ബാബു തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. മൈത്രി മൂവി മേക്കേഴ്‌സ് നിർമ്മിക്കുന്ന പുഷ്പ 2വില്‍ രശ്മിക മന്ദാന തന്നെയാണ് നായിക കഥാപാത്രത്തെ അവതരിപ്പിക്കുന്നത്.
STORY HIGHLIGHT: pushpa-2 new poster out
