അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അഭിപ്രായങ്ങളും ആരോപണങ്ങളും കൊണ്ട് എപ്പോഴും വാര്‍ത്തകളില്‍ ഇടം പിടിക്കാറുള്ള താരമാണ് നടന്‍ ബാല. ഇപ്പോഴിതാ തന്നെ ആരോ കെണിയിൽ പെടുത്താനുള്ള ശ്രമം നടത്തുന്നു എന്ന ആരോപണവുമായി എത്തിയിരിക്കുകയാണ് താരം. കൈക്കുഞ്ഞുമായി ഒരു സ്ത്രീ തന്റെ വീട്ടിലേക്ക് അതിക്രമിച്ചുകയറാന്‍ ശ്രമിക്കുന്നതിന്റെ സി.സി.ടി.വി ദൃശ്യങ്ങള്‍ അടക്കം പുറത്തുവിട്ടുകൊണ്ടാണ് അദ്ദേഹം ആരോപണങ്ങൾ ഉന്നയിക്കുന്നത്.
ശനിയാഴ്ച പുലര്‍ച്ചെ മൂന്നേമുക്കാലോടെയാണ് വീടിനുമുന്നില്‍ അസാധാരണ സംഭവങ്ങള്‍ നടന്നതെന്ന് സാമൂഹ്യമാധ്യമത്തില്‍ പങ്കുവെച്ച വീഡിയോയിലൂടെ ബാല വ്യക്തമാക്കുന്നു. തന്റെ സുരക്ഷയ്ക്ക് വേണ്ടിയാണ് വീഡിയോ എടുത്തതെന്നും ബാല പറയുന്നു. കൈക്കുഞ്ഞുമായി ഒരു സ്ത്രീയും പുരുഷനും താരത്തിന്റെ വീടിന്റെ പുറത്തു വന്ന് നില്കുന്നത് വീഡിയോയിൽ വ്യക്തമായി കാണാം.
പുലര്‍ച്ചെ നാലുമണിക്കാണ് ബാല ഇത്തരത്തിൽ ഒരു വീഡിയോയുമായി എത്തുന്നത്. താന്‍ മരുന്ന് കഴിക്കുന്ന വ്യക്തിയാണെന്നും ഈ സമയത്തൊക്കെ വന്ന് ഇത്തരത്തില്‍ ശല്യപ്പെടുത്തുന്നത് വേദനാജനകമാണെന്നും നടന്‍ പറയുന്നു. എന്തായാലും ദൃശ്യങ്ങളടക്കം പോലീസില്‍ പരാതി നല്‍കിയതായി ബാല അറിയിച്ചു.
STORY HIGHLIGHT: woman with baby in front of her house in the morning bala said that it was an attempt to trap
