അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.യുവനടിമാര്‍ക്കിടയില്‍ മുന്‍പന്തിയിലാണ് നടി സായ് പല്ലവിയുടെ സ്ഥാനം. താരത്തിന്റെ ചിത്രങ്ങളെല്ലാം വലിയ ആരാധനയോടെയാണ് പ്രേക്ഷകര്‍ ഏറ്റെടുക്കുന്നത്. ഇപ്പോളിതാ സായ് പല്ലവിയെക്കുറിച്ച് സംവിധായകന്‍ മണിരത്‌നം പറഞ്ഞ ചില കാര്യങ്ങളാണ് സമൂഹ മാധ്യമങ്ങളില്‍ വലിയ ചര്‍ച്ചയായിരിക്കുന്നത്.
‘ഞാന്‍ സായ് പല്ലവിയുടെ വലിയ ഒരു ആരാധകനാണ്. ഒരിക്കല്‍ സായ് പല്ലവിക്കൊപ്പം പ്രവര്‍ത്തിക്കാന്‍ സാധിക്കുമെന്ന് ഞാന്‍ പ്രതീക്ഷിക്കുന്നു.’ മണിരത്‌നം പറഞ്ഞു. നടന്‍ ശിവകാര്‍ത്തികേയനെയും മണിരത്‌നം പുകഴ്ത്തിയിരുന്നു. ‘ചിലര്‍ വന്നതും വലിയ ഹീറോസ് ആയി മാറും. ചിലര്‍ മാത്രമേ പടി പടിയായി വളരുകയുള്ളൂ. എസ് കെ അതുപോലെയാണ് വന്നത്. നിങ്ങള്‍ എന്നെപ്പോലെയാണ് ശിവ. നിങ്ങള്‍ പലര്‍ക്കും ഒരു പ്രചോദനവുമാണ്’. അദ്ദേഹം പറഞ്ഞു.
അമരന്‍ എന്ന ചിത്രത്തിന്റെ ഓഡിയോ ലോഞ്ചിലാണ് മണിരത്‌നം ഇക്കാര്യങ്ങള്‍ പറഞ്ഞത്. ശിവകാര്‍ത്തികേയനാണ് ചിത്രത്തില്‍ നായകനായി എത്തുന്നത്. ചിത്രത്തില്‍ സായ് പല്ലവിയും ഒരു പ്രധാന വേഷത്തിലെത്തുന്നുണ്ട്. ഓഡിയോ ലോഞ്ചില്‍ മുഖ്യാതിഥിയായി എത്തിയതായിരുന്നു മണിരത്‌നം.
‘സിനിമയിലേക്ക് വരുന്നതിന് മുമ്പ് തനിക്ക് അധികം സംവിധായകരുടെ പേര് അറിയുമായിരുന്നില്ല. എന്നാല്‍ മണിരത്‌നം എന്ന പേര് തനിക്ക് എന്നും അറിയാവുന്ന ഒന്നായിരുന്നു. തിരക്കഥകള്‍ തിരഞ്ഞെടുക്കുന്നതില്‍ ഞാന്‍ കാണിക്കുന്ന ശ്രദ്ധയുടെ കാരണം മണിരത്‌നമാണ്.’ സായ് പല്ലവി പറഞ്ഞു.
അമരന്റെ സംവിധാനം രാജ്കുമാര്‍ പെരിയസ്വാമിയാണ്. അമരനില്‍ ഭുവന്‍ അറോറ, രാഹുല്‍ ബോസ് തുടങ്ങിയവര്‍ക്കൊപ്പം ശ്രീകുമാര്‍, വികാസ് ബംഗര്‍ എന്നീ താരങ്ങളും പ്രധാന കഥാപാത്രങ്ങളായുണ്ട്. കശ്മീരിലടക്കം ചിത്രികരിച്ച അമരന്‍ എന്ന സിനിമയുടെ നിര്‍മാണം കമല്‍ഹാസന്റെ രാജ് കമലിന്റെ ബാനറില്‍ ആണ്. ചിത്രം ഒക്ടോബര്‍ 31 ന് ദീപാവലി റിലീസായി തിയേറ്ററുകളില്‍ എത്തും.
STORY HIGHLIGHTS: Director Mani Ratnam about Sai Pallavi
