അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആനന്ദം എന്ന ചിത്രത്തിലൂടെ മലയാളി പ്രേക്ഷകരുടെ മനസ്സില്‍ തന്റേതായ ഇടം നേടിയെടുത്ത താരമാണ് അനാര്‍ക്കലി മരക്കാര്‍. നിരവധി ആരാധകരെ ആണ് ഒരൊറ്റ ചിത്രം കൊണ്ട് താരം സ്വന്തമാക്കിയത്..തുടര്‍ന്ന് അങ്ങോട്ട് സോഷ്യല്‍ മീഡിയയില്‍ സജീവമായ താരം തന്റെ വീഡിയോകളിലൂടെയും ഫോട്ടോഷൂട്ട് ചിത്രങ്ങളിലൂടെയും ഒക്കെ ആരാധകരുടെ പ്രിയപ്പെട്ട താരമായി മാറുകയും ചെയ്തു. ഇപ്പോളിതാ സമൂഹമാധ്യമങ്ങളെക്കുറിച്ച് സംസാരിക്കുകയാണ് താരം.
‘ഞാന്‍ മനസ്സിലാക്കുന്നത് ഇപ്പോഴത്തെ കാലഘട്ടത്തില്‍ എല്ലാത്തിനോടും വളരെ ആക്‌സസുള്ള സമയമാണ്. ഈ സമയത്ത് നമ്മള്‍ ഇത് മൈന്‍ഡ് ചെയ്യാതിരിക്കുക എന്നുള്ള ഒരു ഓപ്ഷനെ ഇപ്പോള്‍ ഉള്ളൂ. നമുക്ക് നമ്മുടെ സമാധാനം ആണല്ലോ എല്ലാത്തിലും ഉപരി വലുത്. അപ്പോള്‍ ഇങ്ങനത്തെ ഇന്‍സ്റ്റഗ്രാം പേജസ് ഉണ്ടല്ലോ.. ഇത്തരം കണ്ടന്റ്‌റുകള്‍ ഉള്ളത്, എന്റെ ഡിപി ഇഷ്ടം പോലെ ഉണ്ട്. അതുപോലെ റീല്‍സ് ഉണ്ട്.’
‘ഇനിയിപ്പോള്‍ നമ്മള്‍ നല്ല വൃത്തിയുള്ള ഡ്രസ്സ് ഇട്ടാലും അതില്‍ നിന്ന് എന്തെങ്കിലും ഒക്കെ അനങ്ങുന്നത് കാണാന്‍ വേണ്ടി നോക്കി നില്‍ക്കുന്ന ആളുകള്‍ ഉണ്ട്. അതുപോലെ എന്റെ ആണ് സുഹൃത്തുക്കള്‍ അവരുടെ ടെലഗ്രാം ഗ്രൂപ്പുകളില്‍ എന്റെ ഫോട്ടോ കണ്ടിട്ടുണ്ട് അത് അവരെ എന്നോട് വന്ന് പറഞ്ഞിട്ടുണ്ട്. അപ്പോള്‍ ഞാന്‍ ഇങ്ങനെ ചിന്തിക്കും ആണോ എന്ന്.’
‘അത് ഉറപ്പായിട്ടും മോശമായിട്ടുള്ള കാര്യമാണ്. പക്ഷെ അതിനെ നിര്‍ത്താനോ അല്ലെങ്കില്‍ അതിനെ അവസാനിപ്പിക്കാനോ ഉള്ള ഒരു ഓപ്ഷന്‍ തല്‍ക്കാലത്തേക്ക് നമ്മുടെ സിസ്റ്റത്തില്‍ ഇല്ല എന്ന് തോന്നുന്നു. അത് ഇല്ലാത്തടത്തോളം കാലം നമ്മള്‍ അതിനെക്കുറിച്ച് ഓര്‍ത്ത് വിഷമിച്ചിട്ട് ഒരു കാര്യവുമില്ല. നമ്മളോട് നമ്മളുടെ പേരന്റ്‌സ്, നമ്മുടെ ബന്ധുക്കള്‍ ഇവരൊക്കെ അത് അനുസരിച്ച് വേണം നമ്മളോട് നില്‍ക്കാന്‍.’
‘നമ്മള്‍ ഇങ്ങനെയൊരു ഇന്‍ഡസ്ട്രിയിലാണ്. അല്ലെങ്കില്‍ ഇങ്ങനത്തെ ഒരു സ്‌പേസിലാണ് ജീവിക്കുന്നത് എന്ന് അവര്‍ മനസ്സിലാക്കണം. നമ്മളെ അവര്‍ ഇങ്ങനെ ചെയ്തുകൊണ്ടിരിക്കും. നമ്മള്‍ അതിന് പാകപ്പെട്ടു പോവുക എന്നുള്ള ഒരു പരിപാടിയാണ് നല്ലത്.’ അനാര്‍ക്കലി മരക്കാര്‍ പറഞ്ഞു.
STORY HIGHLIGHTS: Anarkali Marikar about social media
