അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബാംഗ്ലൂര്‍ റിക്രൂട്ടിംഗ് മേഖലാ ആസ്ഥനത്തിന്റെ ആഭിമുഖ്യത്തില്‍ തിരുവനന്തപുരത്തെ ആര്‍മി റിക്രൂട്ടിംഗ് ഓഫീസ് സംഘടിപ്പിക്കുന്ന അഗ്നിവീര് റിക്രൂട്ട്മെന്റ് റാലി (ആര്‍മി) 2024 നവംബര്‍ 06 മുതല്‍ നവംബര്‍ 13 വരെ പത്തനംതിട്ടയിലെ അടൂര്‍ സബ് ഡിവിഷനിലെ കൊടുമണ്‍ ഇ.എം.എസ് സ്റ്റേഡിയത്തില്‍ നടക്കും.
2024 ഏപ്രില്‍ 22 മുതല്‍ മെയ് 07 വരെ നടത്തിയ ഓണ്‍ലൈന്‍ പൊതു പ്രവേശന പരീക്ഷയില്‍ (CEE) കേരള സംസ്ഥാനത്തു നിന്നുള്ള അഗ്നിവീര് വിഭാഗവും, കേരള, കര്‍ണാടക, കേന്ദ്രഭരണ പ്രദേശങ്ങളായ ലക്ഷദ്വീപ്, മാഹി എന്നിവിടങ്ങളില്‍ നിന്നുള്ള റെഗുലര്‍ വിഭാഗത്തില്‍പെട്ട യോഗ്യത നേടിയ പുരുഷ അപേക്ഷകരുമാണ് ഈ റാലിയില്‍ പങ്കെടുക്കുന്നത്.
അഗ്നിവീര് ജനറല്‍ ഡ്യൂട്ടി, അഗ്നിവീര് ടെക്നിക്കല്‍, അഗ്നിവീര് ക്ലര്‍ക്ക്/സ്റ്റോര്‍ കീപ്പര്‍ ടെക്നിക്കല്‍, അഗ്നിവീര് ട്രേഡ്സ്മെന്‍ എന്നീ വിഭാഗങ്ങളിലേക്കുള്ള റാലിയില്‍ തെക്കന്‍ കേരളത്തിലെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ജില്ലകളിലെ ഷോര്‍ട്ട്ലിസ്റ്റ് ചെയ്യപ്പെട്ട ഉദ്യോഗാര്‍ത്ഥികളും,
കേരള, കര്‍ണാടക, ലക്ഷദ്വീപ്, മാഹി എന്നിവിടങ്ങളിലെ ഷോര്‍ട്ട്ലിസ്റ്റ് ചെയ്യപ്പെട്ട സോള്‍ജിയര്‍ നഴ്സിംഗ് അസിസ്റ്റന്റ്/നേഴ്സിംഗ് അസിസ്റ്റന്റ് വെറ്ററിനറി, ശിപായി ഫാര്‍മ, ആര്.ടി ജെ.സി.ഒ (റിലീജിയസ് ടീച്ചേഴ്സ് ജൂനിയര്‍ കമ്മീഷന്‍ഡ് ഓഫീസര്‍), ഹവില്‍ദാര്‍ സര്‍വേയര്‍ ഓട്ടോ കാര്‍ട്ടോ എന്നീ വിഭാഗങ്ങളിലെ ഉദ്യോഗാര്‍ത്ഥികളുമാണ് ഈ റാലിയില്‍ പങ്കെടുക്കുന്നത്.
ഷോര്‍ട്ട്ലിസ്റ്റ് ചെയ്ത ഉദ്യോഗാര്‍ത്ഥികളുടെ അഡ്മിറ്റ് കാര്‍ഡുകള്‍ ഇതിനകം രജിസ്റ്റര്‍ ചെയ്ത ഇ-മെയില്‍ ഐഡികളിലേക്ക് അയച്ചിട്ടുണ്ട്. കൂടാതെ വ്യക്തിഗത ലോഗിന്‍ വഴി www.joinindianarmy.nic.in എന്ന വെബ്സൈറ്റില്‍ നിന്ന് ഡൗണ്‍ലോഡ് ചെയ്യാവുന്നതുമാണ്.
CONTENT HIGHLIGHTS;Agniveer Recruitment Rally (Army) at Pathanamthitta from November 06 to 13
