അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളി പ്രേക്ഷകരുടെ പ്രിയ ഗായികയാണ് അഭയ ഹിരണ്‍മയി. സ്റ്റേജ് ഷോകളിലൂടെയും പരിപാടികളിലൂടെയും എല്ലാം ഏറെ പ്രശസ്തയാണ് അഭയ. പ്രശസ്ത സംഗീത സംവിധായകന്‍ ഗോപി സുന്ദറുമായി ലുവിങ് ടുഗതര്‍ റിലേനിലായിരുന്നു അഭയ. ഇപ്പോളിതാ തന്റെ പഴയകാല ജീവിതത്തെക്കുറിച്ച് സംസാരിക്കുകയാണ് അഭയ ഹിരണ്‍മയി.
‘ഗോപിയുമായിട്ടുള്ള എന്റെ റിലേഷന്‍ ശരിക്കും വളരെ റവല്യൂഷന്‍ ആയിരുന്നു. ആളുകള്‍ക്ക് മനസ്സിലാവില്ല എന്താണ് ഈ ലിവിങ് ടുഗതര്‍ എന്ന്. ലിവിങ് ടുഗതര്‍ എന്നല്ല ആളുകള്‍ പറയുന്നത്, ഒരാള്‍ ഒരാളുമായിട്ട് കൂടെ താമസിക്കുന്നു എന്ന തരത്തിലുള്ള സംസാരം വരെ നമ്മള്‍ കേട്ടിട്ടുണ്ട്. അവള്‍ പോയി അവന്റെ കൂടെ താമസിക്കുന്നു… ഇതിനെ ഒരു ലിവിങ് ടുഗതര്‍ എന്ന് പറയുന്ന ഒരു സ്റ്റാറ്റസ് കൊടുക്കാന്‍ ആളുകള്‍ക്ക് അറിയില്ല. അറിയില്ല എന്നല്ല, അവര്‍ അതിനെ പക്വതയോടെ കാണാന്‍ താല്‍പ്പര്യപ്പെടുന്നില്ല. ഇന്ന് അതിനൊരു വലിയ മാറ്റം സംഭവിച്ചിട്ടുണ്ട് എന്ന് എനിക്ക് തോന്നുന്നില്ല. പക്ഷേ ഒരുപാട് ആള്‍ക്കാര്‍ ഇപ്പോള്‍ അങ്ങനെ ചെയ്യുന്നുണ്ട്.’
‘പുതിയതായി വരുന്ന കപ്പിള്‍സ് കല്യാണത്തിന് മുന്‍പേ ലിവിങ് ടുഗതര്‍ ആയിട്ട് ജീവിച്ചതിനുശേഷം വര്‍ക്ക് ഔട്ട് ആവുകയാണെങ്കില്‍ കല്യാണം കഴിക്കാം എന്നുള്ള കണ്‍സെപ്റ്റ് ഒക്കെ വരുന്നുണ്ട്. അങ്ങനെയൊക്കെ ഞാനിപ്പോള്‍ കേള്‍ക്കുന്നുണ്ട്. കാണാറുണ്ട് അങ്ങനെയുള്ളവരെ. എനിക്കത് കാണുമ്പോള്‍ ഞാന്‍ ഇതിന്റെ തുടക്കത്തിന്റെ ഒരു ഭാഗമായിരുന്നല്ലോ അല്ലെങ്കില്‍ ആ ഒരു റവല്യൂഷന്റെ ഭാഗമായിരുന്നല്ലോ എന്ന് തോന്നും. പക്ഷെ അന്നൊക്കെ ഞാന്‍ എടുത്ത അതേ സ്ട്രഗിള്‍ ഗോപിക്കും ഉണ്ടായിട്ടുണ്ട്. ഞങ്ങള്‍ എടുത്ത സ്ട്രഗിള്‍ ഇന്നവര്‍ക്ക് ഈസി ആയിട്ട് എടുക്കാന്‍ പറ്റുന്നുണ്ടല്ലോ.’
‘അത് കാണുമ്പോള്‍ വളരെ സന്തോഷം തോന്നുന്നുണ്ട്. സ്‌നേഹമോ ഇഷ്ടമോ പോലെ എന്തെങ്കിലും ഒരു മോട്ടീവ് വേണമല്ലോ അല്ലെങ്കില്‍ അങ്ങനെ ഒരു റിലേഷന്‍ഷിപ്പില്‍ നമുക്ക് നില്‍ക്കാന്‍ പറ്റില്ല. എന്നെ സംബന്ധിച്ച് വളരെ ജനുവിനായിട്ട് എനിക്ക് ഒരു പ്രണയം ഉണ്ടായിരുന്നു. ഞാന്‍ ആ റിലേഷന്‍ഷിപ്പില്‍ സ്റ്റേറ്റ് ചെയ്തു. 14 വര്‍ഷം ഞാന്‍ ഒരാളുടെ കൂടെ ജീവിച്ചു. അതില്‍ എനിക്ക് യാതൊരു വിധത്തിലുള്ള കുറ്റബോധവും ഇല്ല. ആ 14 വര്‍ഷവും ഞാന്‍ വളരെ വൃത്തിയായി ജീവിച്ചിട്ടുണ്ട്. അതുകഴിഞ്ഞ് ഞാന്‍ എന്റേതായ ജീവിതം തിരഞ്ഞെടുത്ത് അങ്ങനെ പോയി. ‘ അഭയ ഹിരണ്‍മയി പറഞ്ഞു.
