അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആരാധകര്‍ ഏറെ ആവേശത്തോടെ കാത്തിരിക്കുന്ന മോഹലാൽ ചിത്രമാണ് ബറോസ്. ബറോസിന്റെ പുതിയ അപ്‍ഡേറ്റാണ് ഇപ്പോൾ ചര്‍ച്ചയാകുന്നത്. ചിത്രത്തിന്റെ ഫൈനല്‍ മിക്സിംഗ് കഴിഞ്ഞു എന്നാണ് പുറത്ത് വന്ന റിപ്പോര്‍ട്ട്. സംവിധായകനായി മോഹൻലാല്‍ അരങ്ങേറ്റം കുറിക്കുന്ന ചിത്രം എന്ന വലിയ പ്രത്യേകതയും ബറോസിനുണ്ട്.
ചെന്നൈ ഫോര്‍ ഫ്രെയിംസിലാണ് മോഹൻലാല്‍ ചിത്രത്തിന്റെ ഡോള്‍ബി അറ്റ്‍മോസ് മിക്സിംഗ് നടത്തിയത്. മോഹന്‍ലാലിന്‍റെ കന്നി സംവിധാന ചിത്രം എന്ന നിലയില്‍ പ്രഖ്യാപന സമയം മുതല്‍ പ്രേക്ഷകശ്രദ്ധ നേടാൻ ബറോസിന് കഴിഞ്ഞിരുന്നു. ചിത്രത്തിന്റെ ഓരോ അപ്‌ഡേറ്റുകൾക്കായും പ്രതീക്ഷയോടെയാണ് ആരാധകരും സിനിമാലോകവും കാത്തിരിക്കുന്നത്. ജിജോ പുന്നൂസ് എഴുതിയ കഥയിലെടുക്കുന്ന ചിത്രം ത്രീഡിയില്‍ എത്തുമ്പോള്‍ ആകെ ബജറ്റ് 100 കോടിയായിരിക്കുമെന്നും റിപ്പോര്‍ട്ടുണ്ട്.
മോഹൻലാല്‍ നായകനാകുന്ന ഒരു ഫാന്റസി ചിത്രമായിരിക്കും ബറോസ്. ചിത്രത്തിന്റെ ഛായാഗ്രാഹണം നിര്‍വഹിക്കുന്നത് സന്തോഷ് ശിവനാണ്. മോഹൻലാലിന്റെ ബറോസ് കഥാപാത്രത്തിന് 300 വയസ്സാണെന്നും റിപ്പോര്‍ട്ടുണ്ട്. മോഹൻലാൽ കേന്ദ്ര കഥാപാത്രമാകുന്ന ചിത്രത്തിന്റെ നിര്‍മാണം ആന്റണി പെരുമ്പാവൂരാണ്.
STORY HIGHLIGHT: mohanlals upcoming barroz film update out
