അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.മിമിക്രി വേദിയില്‍ നിന്ന് ടെലിവിഷനിലേക്കും സിനിമകളിലേക്കും എത്തി പ്രേക്ഷകപ്രീതി നേടിയ താരം പ്രജോദ് കലാഭവൻ സംവിധായക കുപ്പായം അണിയാൻ ഒരുങ്ങുന്നു. പുതുതായി ഒരുങ്ങുന്ന ചിത്രത്തിന്റെ രചന നിര്‍വ്വഹിക്കുന്നത് സംവിധായകന്‍ എബ്രിഡ് ഷൈന്‍ ആണ്. ചിത്രത്തിലേക്ക് ആയോധന കലകളില്‍ പ്രാഗത്ഭ്യമുള്ള പുതുമുഖ താരങ്ങള്‍ക്ക് ചിത്രത്തില്‍ അവസരമുണ്ടെന്നും അണിയറക്കാര്‍ അറിയിച്ചിട്ടുണ്ട്.
മാർഷ്യൽ ആർട്ട്സിൽ പ്രാഗത്ഭ്യമുള്ള, 18നും 24നും ഇടയിലുള്ള പുരുഷന്മാരെയും 30നും 48നും ഇടയിലുള്ള മാർഷ്യൽ ആർട്ട്സ് പ്രഗത്ഭരേയുമാണ് ഈ പുതിയ ചിത്രത്തിലെ കഥാപാത്രങ്ങളാകാനുള്ള ഓഡിഷൻ കോളിലേക്കു ടീം ക്ഷണിക്കുന്നത്.
18നും 24നും ഇടയിൽ മാർഷ്യൽ ആർട്ട്സിൽ പ്രാഗൽഭ്യം ഉള്ളവർ kalabhavanprajodmovie1@gmail.com എന്ന ഇമെയിൽ ഐഡിയിലേക്കും 30നും 48നും ഇടയിൽ മാർഷ്യൽ ആർട്ട്സിൽ പ്രാഗൽഭ്യം ഉള്ളവർ kalabhavanprajodmovie2@gmail.com എന്ന ഇമെയിലിലേക്കും ഓഡിഷനായി പ്രൊഫൈൽ അയക്കണം. ചിത്രത്തിന്റെ കൂടുതൽ വിവരങ്ങൾ വരും നാളുകളിൽ അറിയിക്കുമെന്നും അണിയറപ്രവർത്തകർ അറിയിച്ചു.
ഫേസ് ബൂക്കിലൂടെ താരം പങ്കുവെച്ച കുറിപ്പിൽ ആദ്യ ചിത്രത്തിന് എല്ലാവരുടെയും അനുഗ്രഹവും ആശംസയും വേണമെന്ന അഭ്യർഥനയും നടത്തി. ‘ഒരു ചലച്ചിത്രസംവിധായകനെന്ന നിലയിലുള്ള എൻ്റെ അരങ്ങേറ്റമാണിത്, ഇത്രയും നാളായി ഞാൻ കാത്തുസൂക്ഷിച്ച സ്വപ്നം. ഈ വർഷങ്ങളിൽ എന്നെ പിന്തുണയ്ക്കുകയും സ്നേഹിക്കുകയും ചെയ്ത എല്ലാവർക്കും ഞാൻ ആത്മാർത്ഥമായി നന്ദി പറയുന്നു. ഈ യാത്രയിൽ നിങ്ങളുടെ അനുഗ്രഹവും തുടർ പിന്തുണയും ഞാൻ തേടുന്നു. പിന്തുണയ്ക്ക് പ്രിയ സുഹൃത്ത് എബ്രിഡ് ഷൈൻ നന്ദി’- പ്രജോദ് കുറിച്ചു.
STORY HIGHLIGHT: prajod kalabhavan to make his directorial debut written by abrid shine
