അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രഖ്യാപനം മുതൽ തന്നെ ഏറെ ചർച്ചയാകുന്ന ചിത്രമാണ് ചിയാൻ വിക്രം കേന്ദ്ര കഥാപാത്രമാകുന്ന വീര ധീര സൂരൻ. ചിത്തയ്ക്ക് ശേഷം എസ് യു അരുൺകുമാർ സംവിധാനം ചെയ്യുന്ന സിനിമയാണിത്. ചിത്രത്തിന്റെ തിയേറ്റർ അവകാശം സംബന്ധിച്ച വിശേഷങ്ങൾക്കൊപ്പമാണ് ടീസർ പുറത്തുവിട്ടത്. ഒരു നാടൻ ആക്ഷൻ ത്രില്ലറാകും വീര ധീര സൂരൻ എന്നാണ് സൂചന. മധ്യവയസ്കനായാണ് ചിയാൻ ചിത്രത്തിൽ അഭിനയിക്കുന്നത്.
വിക്രം അവതരിപ്പിക്കുന്ന കഥാപാത്രത്തോട് നിങ്ങൾ എത്ര കുറ്റം ചെയ്തു എന്ന് ചോദിക്കുന്നതും അതിന് ചിയാൻ വിരലുകൾ കൊണ്ട് എണ്ണുന്നതുമാണ് ടീസറിലുള്ളത്. എസ് ജെ സൂര്യയും, സുരാജ് വെഞ്ഞാറമൂടും ഭാഗമാകുന്നു ഈ ചിത്രത്തിൽ. സുരാജ് അഭിനയിക്കുന്ന ആദ്യ തമിഴ് ചിത്രം കൂടിയാണ് ഇത്. ചെന്നൈയിലെ തിരുവള്ളൂർ ജില്ലയിലെ തിരുട്ടണി എന്ന ചെറുപട്ടണത്തിൽ ആണ് കഥ നടക്കുന്നത്.
The Tamilnadu theatrical rights for our prestigious movie #VeeraDheeraSooran have been acquired by @FivestarSenthil ! Get ready for a thrilling cinematic experience coming soon to theaters near you 🥳@chiyaan #Kaali #காளி#VeeraDheeraSooran
An #SUArunkumar Picture
A… pic.twitter.com/yWst065LzA— HR Pictures (@hr_pictures) October 28, 2024
ദുഷാര വിജയനാണ് സിനിമയിൽ നായികാ വേഷത്തിലെത്തുന്നത്. തമിഴ് ചിത്രങ്ങളുടെയും മലയാള സിനിമകളുടെയും ഛായാഗ്രഹണം നിർവഹിച്ച തേനി ഈശ്വറാണ് ചിത്രത്തിന്റെ ക്യാമറ ചലിപ്പിക്കുന്നത്. എച്ച് ആർ പിക്ചേഴ്ചിന്റെ ബാനറിൽ റിയ ഷിബു ആണ് ചിത്രത്തിന്റെ നിർമ്മാണം.
STORY HIGHLIGHT: chiyaan vikrams veera dheera sooran teaser out
