അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രണ്ടു വർഷത്തോളമായി ആരാധകർ ഏറെ ആകാംക്ഷയോടെ കാത്തിരുന്ന തെന്നിന്ത്യൻ സൂപ്പർസ്റ്റാർ നയൻതാരയുടെയും സംവിധായകൻ വിഘ്നേശ് ശിവൻ്റെയും വിവാഹ വീഡിയോഡോക്യുമെന്ററി ഒടുവിൽ ഒടിടിയിൽ എത്തുന്നു. വെഡ്ഡിംഗ് ഡോക്യുമെന്ററിയുടെ ഒടിടി റിലീസ് തീയതി ഔദ്യോഗികമായി പ്രഖ്യാപിച്ചിരിക്കുകയാണ് നെറ്റ്ഫ്ളിക്സ്. നവംബർ 18നാണ് ‘നയൻതാര: ബിയോണ്ട് ദ ഫെയറി ടെയില്‍’ ഒടിടിയിലെത്തുക.
2022 ജൂൺ 9ന് ആയിരുന്നു നയൻതാരയും വിഘ്നേഷ് ശിവനും തമ്മിലുള്ള വിവാഹം. ‘നയൻതാര: ബിയോണ്ട് ദ ഫെയറി ടെയില്‍’ എന്നു പേരിട്ടിരിക്കുന്ന വിവാഹ ഡോക്യുമെന്ററി നെറ്റ്ഫ്ളിക്സിനു വേണ്ടി തയാറാക്കിയത് സംവിധായകൻ ഗൗതം മേനോനാണ്. 1 മണിക്കൂർ 21 മിനിറ്റാണ് ഈ ഡോക്യുമെന്ററിയുടെ റൺടൈം.
View this post on Instagram
2015-ൽ പുറത്തിറങ്ങിയ ‘നാനും റൗഡി താൻ’ എന്ന ചിത്രത്തിന്റെ സെറ്റിൽ വച്ചാണ് വിഘ്നേശ് ശിവനും നയൻതാരയും പ്രണയത്തിലാവുന്നത്. നീണ്ട ആറുവർഷത്തെ പ്രണയത്തിനൊടുവിൽ മഹാബലിപുരത്തെ ഷെറാടൺ ഗ്രാൻഡ് റിസോർട്ടിൽ വച്ച് ആ പ്രൗഢ ഗംഭീരമായ ആഢംബര വിവാഹം നടന്നു. ഇപ്പോഴിതാ ആരാധകർക്ക് ഏറെ സന്തോഷം തരുന്ന വാർത്തകളാണ് പുറത്തുവരുന്നത്.
STORY HIGHLIGHT: nayanthara beyond the fairy tale ott release date netflix nayan vignesh shivan wedding documentary
