മലയാളി പ്രേക്ഷകരുടെ പ്രിയ ഗായികയാണ് റിമി ടോമി. ഗായിക എന്നപോലെതന്നെ വളരെ മികച്ച ഒരു പെര്‍ഫോമര്‍ കൂടിയാണ് താരം. സോഷ്യല്‍ മീഡിയയിലും വളരെ സജീവമാണ് റിമി ടോമി. ഇപ്പോള്‍ ടി വി ഷോ മ്യൂസിക്കല്‍ പരിപാടികളില്‍ ജഡ്ജായും റിമിടോമി പ്രത്യക്ഷപ്പെടാറുണ്ട്. തന്റെ ജീവിതത്തിലെ രസകരമായ പല അനുഭവങ്ങളും റിമി ടോമി ടെലിവിഷനിലൂടെ പറഞ്ഞിട്ടുണ്ട്. ഇപ്പോള്‍ ഇതാ ഷാരൂഖ് ഖാനുമായി ബന്ധപ്പെട്ട ഒരു രസകരമായ മുഹൂര്‍ത്തം ആരാധകരുമായി പങ്കുവെയ്ക്കുകയാണ് ഗായിക.
‘ഒരു പ്രശസ്തനായ ബിസിനസ്മാന്‍ എന്നോട് പറഞ്ഞു, മോളെ എനിക്ക് അത്യാവശ്യമായിട്ട് ഒരു കാര്യം സംസാരിക്കാനുണ്ട്, എപ്പോഴാണെന്ന് വെച്ചാല്‍ മോള്‍ ഒന്ന് വിളിക്കണം, വളരെ പേഴ്‌സണല്‍ ആയിട്ടുളള ഒരു കാര്യം സംസാരിക്കാന്‍ ആണെന്ന് പറഞ്ഞു. എന്നിട്ട് പുള്ളിക്കാരന്‍ എന്റെ ബ്രദറിനെ ആണ് വിളിച്ചത്. അപ്പോള്‍ ഞാന്‍ തിരിച്ചു വിളിച്ചു. എന്താ സാര്‍ വിളിച്ചതെന്ന് ചോദിച്ചു. പണ്ട് പ്രോഗ്രാം ഒക്കെ സംസാരിച്ച ഒരാളായിരുന്നു അദ്ദേഹം. ഞാന്‍ ചോദിച്ചു എന്തുപറ്റി സാര്‍ ഇന്ന്.’
‘അപ്പോള്‍ അദ്ദേഹം എന്നോട് പറഞ്ഞു, നമുക്ക് ബോംബെയില്‍ ഒരു പ്രോപ്പര്‍ട്ടി ഉണ്ടായിരുന്നു. ഷാരൂഖ് ഖാന് താല്‍പ്പര്യം ഉണ്ടെങ്കില്‍ ഒന്ന് മേടിക്കാന്‍ പറയാനായിരുന്നു എന്ന്. സത്യം പറഞ്ഞു കഴിഞ്ഞാല്‍ എന്റെ ബന്ധം എന്ന് പറഞ്ഞാല്‍ ആ മൂന്ന് പരിപാടിയില്‍ കഴിഞ്ഞു. പുള്ളി പറയുന്നത് ഇതാണ്…. ഷാരൂഖ് ഖാന് ഇപ്പോള്‍ താമസിക്കുന്ന മന്നത്ത് എന്ന് പറഞ്ഞ വീട് പുള്ളിക്ക് ഇപ്പോള്‍ താല്‍പ്പര്യമില്ല, പുള്ളി അവിടെ നിന്ന് മാറി വേറൊരു സ്ഥലം അന്വേഷിച്ചുകൊണ്ടിരിക്കുകയാണ്.’
‘അതിനെക്കുറിച്ച് പുള്ളിക്ക് റിപ്പോര്‍ട്ട് കിട്ടി. അപ്പോള്‍ പുള്ളിയുടെ കൈയ്യില്‍ ഇരിക്കുന്ന ഈ പ്രോപ്പര്‍ട്ടി ഷാരൂഖ്ഖാന് മാറി താമസിക്കാവുന്ന ബെസ്റ്റ് പ്രോപ്പര്‍ട്ടി ആണ്. പക്ഷെ ഇത് ഷാരുഖ് ഖാനോട് ഒന്ന് പറയാന്‍ ഷാരൂഖ് ഖാന്റെ ഏറ്റവും അടുത്ത ഒരാള്‍ എന്ന രീതിയില്‍ എന്നെയാണ് പുള്ളി കണ്ടത്.’ റിമി ടോമി പറഞ്ഞു.’
ഏഷ്യാനെറ്റിന്റെ ടെലിവിഷന്‍ അവാര്‍ഡ് ഷോയായ ഉജാല ഏഷ്യാനെറ്റ് ഫിലിം അവാര്‍ഡില്‍ ഷാരുഖ് ഖാന് ഒരുതവണ അതിഥിയായി എത്തിയിരുന്നു. ആ സമയത്ത് സ്റ്റേജില്‍ ഗായികയായി റിമി ടോമിയും ഉണ്ടായിരുന്നു. അദ്ദേഹത്തിനൊപ്പം ഉള്ള രസകരമായ സംഭാഷണത്തിനൊടുവില്‍ റിമി ടോമിയെ അദ്ദേഹം എടുത്തു പൊക്കിയിരുന്നു. ഇത് വലിയ വൈറല്‍ ആയിരുന്നു. പിന്നീട് ഇങ്ങോട്ട് അതിന്റെ പേരില്‍ താരത്തിന് ഒരുപാട് ട്രോളുകളൊക്കെ ലഭിക്കുന്നുമുണ്ട്.