പ്രേക്ഷകരുടെ പ്രിയതാര ജോഡികളാണ് രണ്‍ബീര്‍ കപൂറും ആലിയ ഭട്ടും. ഇരുവരും സോഷ്യല്‍ മീഡിയയിലും വളരെയധികം സജീവമാണ്. പുറത്തുവരുന്ന റണ്‍ബീറിന്റെയും ആലിയ ഭട്ടിന്റെയും മകള്‍ റാഹയുടെയും ചിത്രങ്ങള്‍ നിമിഷനേരം കൊണ്ടാണ് ആരാധകര്‍ ഇരുകൈയ്യും നീട്ടി ഏറ്റെടുക്കുന്നത്. ഇപ്പോള്‍ ഇതാ മൂവരുടെയും പുത്തന്‍ ചിത്രങ്ങളാണ് ഏറെ വൈറലാകുന്നത്.
റണ്‍ബീറും കുടുംബവും ദീപാവലി ആഘോഷിക്കുന്നതിന്റെ ചിത്രങ്ങളാണ് ഇപ്പോള്‍ പുറത്തു വന്നിരിക്കുന്നത്. റണ്‍ബീറിന്റെയും ആലിയ ഭട്ടിന്റെയും മകള്‍ റാഹയുടെയും ദീപാവലി ചിത്രങ്ങളാണ് ഇപ്പോള്‍ സമൂഹമാധ്യമങ്ങളില്‍ വൈറലായി പോകുന്നത്. ഫെസ്റ്റിവല്‍ വേഷമാണ് മൂവരും ധരിച്ചിരിക്കുന്നത്. സ്വര്‍ണ്ണ നിറത്തിലുള്ള ജുബ്ബയും വെളള പാന്റും ഇട്ടാണ് റണ്‍ബീര്‍ ആഘോഷത്തിനായി എത്തിയത്. സ്വര്‍ണനിറത്തിലുള്ള സാരിയാണ് ആലിയ ധരിച്ചിരിക്കുന്നത്.
ഇരുവരുടെയും ഡ്രസ്സ് കോഡിന് മാച്ച് ആകുന്ന തരത്തില്‍ അതേ നിറത്തിലുളള കോഡ്‌സെറ്റ് ധരിച്ചാണ് മകള്‍ റാഹയെ ആഘോഷ പരിപാടിയിലേക്ക് കൊണ്ടുവന്നത്. ഇരുവരും താലത്തില്‍ പൂക്കളും വിളക്കും പിടിച്ചു നില്‍ക്കുന്ന ചിത്രങ്ങളും പങ്കുവെച്ചിട്ടുണ്ട്. പൂക്കള്‍ കൊണ്ടുള്ള ഡിസൈനുകള്‍ ഉപയോഗിച്ച് വീട് അലങ്കരിച്ചിരിക്കുന്നതും ചിത്രങ്ങളില്‍ കാണാം.
കുടുംബവും ഒത്താണ് ഇത്തവണ റണ്‍ബീറും കുടുംബവും ദീപാവലി ആഘോഷിച്ചത്. നിമിഷനേരം കൊണ്ടാണ് ഈ ഫോട്ടോസ് എല്ലാം വൈറല്‍ ആയത്. താര കുടുംബത്തിന് ദീപാവലി ആശംസകള്‍ അറിയിച്ചുകൊണ്ട് ആരാധകരും എത്തുന്നുണ്ട്.