അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പ്രേക്ഷകരെ വിസ്മയിപ്പിച്ച ഹിറ്റ് ചിത്രങ്ങളിലൊന്നാണ് വിജയ്-ലോകേഷ് കനകരാജ് ചിത്രം ‘ലിയോ’. ലിയോയുടെ രണ്ടാം ഭാഗം ഉണ്ടാകുമെന്ന് സിനിമയുടെ റിലീസ് സമയത്ത് റിപ്പോര്‍ട്ടുകള്‍ ഉണ്ടായിരുന്നു. പിന്നെ വിജയ് രാഷ്‍ട്രീയത്തില്‍ സജീവമായതിനെ തുടര്‍ന്ന് സിനിമയില്‍ നിന്ന് ഇടവേളയെടുക്കുകയായിരുന്നു. ഇതോടെ ചിത്രത്തിന്റെ രണ്ടാം ഭാഗം ഉണ്ടാകുമോ ഇല്ലയോ എന്ന ചർച്ചകൾ സോഷ്യൽ മീഡിയയിൽ ചൂടുപിടിക്കാൻ തുടങ്ങി. ഇപ്പോഴിതാ ലോകേഷ് കനകരാജ് ചിത്രത്തിന്റെ രണ്ടാം ഭാഗം ഉണ്ടാകുമോ എന്നതില്‍ സൂചന നല്‍കിയിരിക്കുകയാണ്.
കവിൻ നായകനായ ബ്ലഡി ബെഗ്ഗർ എന്ന ചിത്രം കണ്ടിറങ്ങിയ ശേഷം തമിഴ് മാധ്യമങ്ങളോട് സംസാരിക്കവെയാണ് അദ്ദേഹത്തിന്റെ പ്രതികരണം. വിജയ്ക്ക് രാഷ്ട്രീയ പ്രവേശനത്തിൽ എല്ലാവിധ ആശംസകളും നേരുന്നുവെന്നും ലോകേഷ് പറഞ്ഞു. വിജയ് സമ്മതിച്ചാല്‍ എന്തായാലും രണ്ടാം ഭാഗം ചെയ്യുമെന്ന് ലോകേഷ് കനകരാജ് വ്യക്തമാക്കുന്നു. വിജയ്യുടെ ലിയോ ആഗോളതലത്തില്‍ 620 കോടി രൂപയിലധികം നേടിയിരുന്നു.
I’m Ready to do #Leo2 if #ThalapathyVijay is okey with it & i wish him all the best for his @tvkvijayhq’s Maanaadu ♥️🔥 – @Dir_Lokesh pic.twitter.com/WRWKu2CeCH
— Arun Vijay (@AVinthehousee) November 2, 2024
ലോകേഷിന്റെ ഗംഭീര മേക്കിങ്ങും വിജയ്യുടെ പ്രകടനവും തന്നെയായിരുന്നു ലിയോയുടെ വിജയത്തിന് പിന്നിൽ. വർഷങ്ങൾക്ക് ശേഷമുള്ള വിജയ് തൃഷ കോംബോയും ആരാധകർ ഏറ്റെടുത്തു. മലയാളത്തിൽ നിന്ന് മാത്യു തോമസും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിച്ചിരുന്നു.
ദളപതി വിജയ് നായകനായി ഒടുവില്‍ ദ ഗോട്ട് ആണ് പ്രദര്‍ശനത്തിന് എത്തിയത്. രാഷ്ട്രീയ പ്രവേശനത്തിന് മുന്നോടിയായുള്ള വിജയ്യുടെ അവസാന ചിത്രം ദളപതി 69 ആണ്. ചിത്രം അടുത്ത വർഷം ഒക്ടോബറിൽ തിയേറ്ററിലെത്തും.
STORY HIGHLIGHT: lokesh kanakaraj about leo-2
