അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അഭിനയിച്ച കഥാപാത്രത്തിന്റെ പേരിൽ അറിയപ്പെടുന്ന ഒരു നടിയാണ് സംഗീത. ചിന്താവിഷ്ടയായ ശ്യാമള എന്ന ഒരൊറ്റ സിനിമയിലൂടെ മലയാളികളുടെ സ്വന്തം ശ്യാമളയായി ഇഷ്ട്ടം മുഴുവൻ നേടിയെടുത്ത നടിയാണ് സംഗീത.
ചുരുങ്ങിയ കാലം കൊണ്ട് വിവിധ ഭാഷകളിലെ സൂപ്പർ സ്റ്റാറുകളുടെയടക്കം നായികയായി അഭിനയിച്ച സംഗീത ചിന്താവിഷ്ടയായ ശ്യാമളയിലെ പ്രകടനത്തിന് ആ വർഷത്തെ മികച്ച നടിക്കുള്ള സംസ്ഥാന അവാർഡ് നേടുകയും ചെയ്തു.
“ഞാൻ എവിടെ പോയാലും ശ്യാമള എന്നാണ് എല്ലാവരും വിളിക്കാറ്” ഒരു ചാനലിന്റെ ഇന്റർവ്യൂവിൽ സംസാരിക്കുകയായിരുന്നു താരം. “ചിന്താവിഷ്ടയായ ശ്യാമളയിൽ അഭിനയിക്കുമ്പോൾ എനിക്ക് 19 വയസ്സാണ് പ്രായം. അന്ന് ആ കഥാപാത്രത്തിന്റെ ആഴവും വ്യാപ്തിയുമൊന്നും എനിക്ക് അറിയില്ലായിരുന്നു. ആ ചിത്രം കാണുമ്പോള്‍ മനസിലായത് കൂടി അതില്‍ അഭിനയിക്കുമ്പോള്‍ എനിക്കറിയില്ലായിരുന്നു. അതില്‍ ഞാനെന്ത് ചെയ്തുവോ അത് നല്ലതായാലും ചീത്തയായാലും അതിന് കാരണം ശ്രീനി സര്‍ മാത്രമാണ്. അദ്ദേഹമാണ് എന്നെ ചിത്രത്തിലേക്ക് വിളിക്കുന്നത്. എന്നില്‍ ശ്രീനി സാറിന് വിശ്വാസവുമുണ്ടായിരുന്നു. നിങ്ങള്‍ സ്‌ക്രീനില്‍ കണ്ടത് എന്താണോ അത് ശ്രീനി സര്‍ പറഞ്ഞ പോലെ ഞാന്‍ ചെയ്ത കാര്യങ്ങളാണ്”. സംഗീത പറഞ്ഞു.
