അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുഞ്ഞിന്റെ ചിത്രം പുറത്തുവിട്ട് മാളവിക കൃഷ്ണദാസ്. സോഷ്യൽ മീഡിയ പ്ലാറ്റ്ഫോം ആയ ഇൻസ്റ്റഗ്രാമിലൂടെയാണ് കുഞ്ഞിന്റെ ഫോട്ടോ പോസ്റ്റ് ചെയ്തത്. ആദ്യഘട്ടത്തിൽ കുഞ്ഞിന്റെ ജെൻഡർ ഇരുവരും വെളിപ്പെടുത്തിയിരുന്നില്ല. ഇപ്പോൾ ഇട്ട പോസ്റ്റിന് ഞങ്ങളുടെ കുഞ്ഞുമാലാഖ എന്നാണ് അടിക്കുറിപ്പ് നൽകിയിരിക്കുന്നത്. ഞങ്ങൾ പ്രവചിച്ചപോലെ പെൺകുഞ്ഞ് തന്നെ ആയെന്നാണ് ആരാധകരുടെ കമെന്റുകൾ. അതിനൊപ്പം തന്നെ ലേബർറൂമിലേക്ക് പോകുന്നത് മുതലുള്ള ചെക്കപ്പിന്റെ ഓരോ ഘട്ടങ്ങളും താങ്ങും തണലുമായി തേജസ്ജ്യോതി ഒപ്പം നിൽക്കുന്നതിന്റെ വീഡിയോയും മാളവിക ഇൻസ്റ്റഗ്രാമിൽ പങ്കുവെച്ചിട്ടുണ്ട്. കുഞ്ഞിന്റെ മുഖം കാണുമ്പോൾ സഹിച്ച എല്ലാ വേദനകളും മാറുന്നു എന്നും എല്ലാ വേദനകളിലും കൈത്താങ്ങായി തന്റെ ഭർത്താവ് ഒപ്പമുണ്ടായിരുന്നുവെന്നും വീഡിയോക്കൊപ്പം മാളവിക പങ്കുവെച്ചു. ഡാൻസ് റിയാലിറ്റി ഷോയിലൂടെ പ്രേക്ഷകർക്ക് മുന്നിലെത്തിയ ആളാണ് മാളവിക. നായികാ നായകൻ എന്ന പരിപാടിയിലൂടെ പ്രേക്ഷക മനം കവർന്ന താരങ്ങളായി തേജസ്ജ്യോതിയും മാളവിക കൃഷ്ണദാസും മാറിയിരുന്നു. ഇരുവരുടെയും ജീവിതത്തിലെ ഓരോ സന്തോഷ മുഹൂർത്തങ്ങളും സോഷ്യൽ മീഡിയയിൽ പങ്കുവെക്കാറുണ്ട്. മാളവികക്കും തേജസിനും കുഞ്ഞിനും ആരോഗ്യവും സന്തോഷവും ഉണ്ടാകട്ടെ എന്ന് നേരുകയാണ് ആരാധകർ.
