അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പത്തനംതിട്ടയില് ഡിവൈഎഫ്ഐ പ്രവര്ത്തകന്റെ പിറന്നാളാഘോഷം പൊതുനിരത്തില് നടത്തിയത് വിവാദമാകുന്നു. പത്തനംതിട്ട വെട്ടിപ്പുറം സ്വദേശി ഷിയാസിന്റെ ജന്മദിനമാണ് കാര് റാലി നടത്തി ആഘോഷിച്ചത്. സെന്റ് പീറ്റേഴ്സ് ജംക്ഷനില് നടന്ന കാര് റാലിയില് ഇരുപതോളം കാറുകള് അണിനിരന്നു. അന്പതോളം യുവാക്കളാണ് ആഘോഷത്തില് പങ്കെടുത്തത്.
കമ്മട്ടിപ്പാടം എന്ന ഇടത് പ്രവര്ത്തകരുടെ ക്ലബാണ് ഒരു മണിക്കൂര് നീണ്ട ആഘോഷം സംഘടിപ്പിച്ചത്. സംഭവത്തെ കുറിച്ച് അറിയില്ലെന്നു ഡിവൈഎഫ്ഐ ജില്ലാ നേതൃത്വം അറിയിച്ചു. ജില്ലയില് മൂന്നാം തവണയാണ് പൊതുനിരത്തില് ഡിവൈഎഫ്ഐ പ്രവര്ത്തകര് പിറന്നാള് ആഘോഷം നടത്തുന്നത്.
നേരത്തേ മലയാലപ്പുഴയില് കാപ്പ കേസ് പ്രതി ശരണ് ചന്ദ്രന്റെ നേതൃത്വത്തില് ഇത്തരത്തില് ആഘോഷം സംഘടിപ്പിച്ചിരുന്നു. അടൂരിലെ പറക്കോട് ഡിവൈഎഫ്ഐയുടെ പ്രാദേശിക ഭാരവാഹിയുടെ ജന്മദിനം ലഹരിക്കേസിലെ പ്രതികളോടൊപ്പം ആഘോഷിച്ചതും വിവാദമായിരുന്നു.
