അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കുട്ടികളുടെ ആരോഗ്യം പോലെ തന്നെ പ്രധാനമാണ് അവരുടെ ബുദ്ധിവികാസവും. കുട്ടികളുടെ മസ്തിഷ്കം വളരുന്ന സമയത്ത് നല്ല പോഷകാഹാരം കൊടുക്കേണ്ടതുണ്ട്. വിറ്റാമിനുകള്, ധാതുക്കള്, ആന്റി ഓക്സിഡന്റുകള്, ഒമേഗ3 ഫാറ്റി ആസിഡുകള് തുടങ്ങിയവ അടങ്ങിയ ഭക്ഷണങ്ങളാണ് തലച്ചോറിനെ സംരക്ഷിക്കാന് കഴിക്കേണ്ടത്. മസ്തിഷ്കം ശരിയായി പ്രവര്ത്തിക്കാനും ആരോഗ്യകരമായി നിലനിര്ക്കാനും പോഷകങ്ങള് അടങ്ങിയ ഭക്ഷണങ്ങള് കഴിക്കേണ്ടത് പ്രധാനപ്പെട്ട കാര്യമാണ്. അതിനാൽ കുട്ടികളുടെ ബുദ്ധിവികാസത്തിന് നൽകേണ്ട ഭക്ഷണങ്ങൾ ഇവയാണ്.
പ്രോട്ടീനുകളും വിറ്റാമിനുമടങ്ങിയ മുട്ടയാണ് പ്രധാനമായി കുട്ടികളുടെ മസ്തിഷ്കവികാസത്തിനായി കഴിയ്ക്കേണ്ട ഭക്ഷണം. അതിനാൽ തന്നെ കുട്ടികള്ക്ക് നിര്ബന്ധമായും നൽകേണ്ട ഒരു ഭക്ഷണമാണ് മുട്ട. ഇതിലെ കൊളീന് എന്ന സംയുക്തം കുട്ടികളുടെ തലച്ചോര് വികാസത്തിന് സഹായിക്കും.
പാലാണ് മറ്റൊരു ഭക്ഷണം. പാലിൽ പ്രോട്ടീനും ധാരാളം വൈറ്റമിനുകളും ധാരാളമായി അടങ്ങിയിരിക്കുന്നുണ്ട്. അതിനാൽ പാല് അലര്ജിയില്ലാത്ത കുട്ടികളെങ്കില് നിര്ബന്ധമായും ദിവസവും ഒരു നേരമെങ്കിലും പാല് നല്കുക. കൂടാതെ കുട്ടികള് കഴിച്ചിരിക്കേണ്ട ഭക്ഷണത്തില് മത്സ്യം ഉള്പ്പെടുത്തണം. ഒമേഗ 3 ഫാറ്റി ആസിഡും വിറ്റാമിന് ഡിയും അടങ്ങിയ സാല്മണ് പോലുള്ള മത്സ്യങ്ങള് കുട്ടികള്ക്ക് കൊടുക്കുന്നത് ഓര്മ്മശക്തി കൂറ്റൻ സഹായിക്കും.
മറ്റൊരു ഭക്ഷണം തൈരാണ്. പ്രോബയോട്ടിക് ഭക്ഷണമാണ് തൈര്. അതിനാല് തന്നെ ഇവ തലച്ചോറിന്റെ ആരോഗ്യത്തിന് വളരെ നല്ലതാണ്. ഇവയിലെ ഫാറ്റും ബുദ്ധിവികാസത്തിനും ദഹനത്തിനും നല്ലതാണ്. അതുപോലെതന്നെ പഴങ്ങളും പച്ചക്കറികളു കുട്ടിക്ക് ഊർജ്ജം, വിറ്റാമിനുകൾ, ആൻറി ഓക്സിഡൻറുകൾ, നാരുകൾ, വെള്ളം എന്നിവ നൽകുന്നു. ഹൃദ്രോഗം, പക്ഷാഘാതം, ചില അർബുദങ്ങൾ തുടങ്ങിയ രോഗങ്ങൾ ഉൾപ്പെടെയുള്ള രോഗങ്ങളിൽ നിന്ന് കുട്ടിയെ സംരക്ഷിക്കാൻ ഈ പോഷകങ്ങൾ സഹായിക്കുന്നു.
ഇലക്കറികളിൽ വിറ്റാമിനുകളുടെയും ആന്റിഓക്സിഡന്റുകളുടെയും ധാതുക്കളുടെയും ഭക്ഷണ നാരുകളുടെയും സമൃദ്ധമായ ഉറവിടമാണ്. വിറ്റാമിന് എ, ബി, ഇ, കെ, സി എന്നിവയ്ക്കൊപ്പം ബീറ്റാ കരോട്ടിന്, ഫോളേറ്റ് എന്നിവ ശരിയായ മസ്തിഷ്ക വികാസത്തിന് നല്ലതാണ്. ചിക്കൻ, ബീൻസ്, പയർ, ചെറുപയർ, പരിപ്പ് എന്നിവ പ്രോട്ടീൻ അടങ്ങിയ ഭക്ഷണങ്ങളിൽ ഉൾപ്പെടുന്നു. അതുകൊണ്ട് കുട്ടിയുടെ വളർച്ചയ്ക്കും പേശികളുടെ വളർച്ചയ്ക്കും ഈ ഭക്ഷണങ്ങൾ പ്രധാനമാണ്.
STORY HIGHLIGHT: foods to give to childrens intelligence
