അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മഹാവിഷ്ണുവിന്റെ ആറാമത്തെ അവതാരമായ പരശുരാമന്റെ കഥ പറയുന്ന ബിഗ് ബജറ്റ് ചിത്രവുമായി ബോളിവുഡ് നിര്‍മാതാക്കളായ മാഡോക്ക് ഫിലിംസ് എത്തുന്നു. മഹാവതാർ എന്ന് പേരിട്ടിരിക്കുന്ന ചിത്രത്തിൽ വിക്കി കൗശലാണ് പരശുരാമന്റെ വേഷത്തിലെത്തുന്നത്. ചിത്രത്തിലെ നടന്റെ ഫസ്റ്റ്ലുക്ക് പോസ്റ്റർ അണിറയക്കാർ പുറത്തുവിട്ടു.
View this post on Instagram
തീക്ഷ്ണമായ നോട്ടവുമായി നില്‍ക്കുന്ന വിക്കി കൗശലിനെ പോസ്റ്ററിൽ കാണാം. ഇന്ത്യന്‍ പുരാണ പ്രകാരം മഹാവിഷ്ണുവിന്റെ ആറാമത്തെ അവതാരമാണ് പരശുരാമന്‍. മരണമില്ലാത്ത അവതാരമാണ് പരശുരാമന്‍ അതിനാല്‍ തന്നെ രാമായണത്തിലും, മഹാഭാരതത്തിലും പരശുരാമനെ പരാമര്‍ശിക്കുന്നുണ്ട്.
‘ചിരഞ്ജീവി പരശുരാമന്റെ കഥ. ധർമത്തിന്റെ നിത്യ യോദ്ധാവ്’ എന്നാണ് ടൈറ്റിലിനൊപ്പം പങ്കുവച്ചിരിക്കുന്നത്. സ്ത്രീ, ഭേഡിയ തുടങ്ങിയ ഹിറ്റ് സിനിമകളുടെ സംവിധായകനായ അമർ കൗശിക് ആണ് ഈ ബ്രഹ്മാണ്ഡ ചിത്രമൊരുക്കുന്നത്. ക്രിസ്മസ് റിലീസ് ആയി അടുത്ത വർഷം ‘മഹാവതാർ’ തിയറ്ററുകളിലെത്തും.
STORY HIGHLIGHT: mahavatar first look
