എ.ഐ സാങ്കേതികവിദ്യയുടെ വളർച്ച ഇന്ന് എല്ലാ മേഖലകളിലും വ്യാപിച്ച് കിടക്കുകയാണ്. എ.ഐ സാങ്കേതിക വിദ്യയുടെ സഹായത്തോടെ രൂപമാറ്റം വരുത്തി മലയാളനടന്‍മാരെ ഹോളിവുഡിലെത്തിക്കുന്നതൊക്കെ ഇപ്പോൾ വൈറലാണ്. മലയാളത്തിലെ ഇതിഹാസനടൻ ജയന്റെ എ ഐ വീഡിയോ ആണ് ഇപ്പോൾ വൈറൽ ആകുന്നത്. എ ഐ സഹായത്തോടെ ‘ലൂസിഫർ’ സിനിമയിലെ അബ്രാം ഖുറേഷിയായാണ് ജയനെ മാറ്റിയത്. ‘കോളിളക്കം 2’ എന്നാണ് വീഡിയോയ്ക്ക് നൽകിയിരിക്കുന്ന പേര്. മള്‍ടിവേഴ്സ് മാട്രിക്സ് എന്ന പേജിലാണ് ജയന്റെ വീഡിയോ പങ്കുവച്ചിരിക്കുന്നത്. ‘എന്റെ പ്രിയപ്പെട്ട നടൻ ഇപ്പോഴും ജീവിച്ചിരിക്കുന്നു.’ എന്ന അടിക്കുറിപ്പോടെ നടൻ ബൈജുവും ഈ വീഡിയോ ഷെയർ ചെയ്തിട്ടുണ്ട്.
‘ലൂസിഫർ’ സിനിമയുടെ ക്ലൈമാക്സിൽ അബ്രാം ഖുറേഷിയായി എത്തുന്ന മോഹൻലാലിനു പകരം ജയനെയാണ് വീഡിയോയിൽ കാണാൻ സാധിക്കുക.