അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാളത്തിലെ യുവ നടന്മാരിലൊരാളായ അർജ്ജുൻ അശോകൻ കേന്ദ്രകഥാപാത്രത്തെ അവതരിപ്പിക്കുന്ന ആനന്ദ് ശ്രീബാല ചിത്രം നവംബർ 15ന് റിലീസിനൊരുങ്ങുന്നു. ‘ആനന്ദ് ശ്രീബാല’ ഒരു ഇൻവെസ്റ്റിഗേഷൻ ത്രില്ലർ ചിത്രമാണ്. റൊമാൻസ്, കോമഡി, നായകൻ, പ്രതിനായകൻ, കാമുകൻ എന്നിങ്ങനെ പലതരത്തിലുള്ള കഥാപാത്രങ്ങൾ കൈകാര്യം ചെയ്ത അർജ്ജുൻ പോലീസ് വേഷത്തിലെത്തുന്ന ആദ്യ ചിത്രം കൂടിയാണിത്.
കാവ്യ ഫിലിം കമ്പനി,ആൻ മെഗാ മീഡിയ എന്നീ ബാനറുകളിൽ പ്രിയ വേണുവും നീതാ പിന്റോയും ചേർന്നാണ് ചിത്രം നിർമ്മിക്കുന്നത്. വിഷ്ണു വിനയ് ആണ് ചിത്രം സംവിധാനം ചെയ്യുന്നത്. അഭിലാഷ് പിള്ളയുടേതാണു തിരക്കഥ. കാണികളെ ആദ്യാവസാനം വരെ പിടിച്ചിരുത്താൻ കഴിവുള്ള ത്രില്ലറായിരിക്കും ചിത്രമെന്നാണ് പ്രതീക്ഷ.
സൈജു കുറുപ്പ്, ധ്യാൻ ശ്രീനിവാസൻ, അജു വർഗീസ്, ഇന്ദ്രൻസ്, സംഗീത, മനോജ് കെ.യു, ശിവദ, അസീസ് നെടുമങ്ങാട്, കോട്ടയം നസീർ, നന്ദു, സലിം ഹസൻ, കൃഷ്ണ, വിനീത് തട്ടിൽ, മാസ്റ്റർ ശ്രീപദ്, മാളവിക മനോജ്, സരിത കുക്കു, തുഷാരപിള്ള തുടങ്ങിവരും വേഷമിടുന്ന ചിത്രമാണ് ആനന്ദ് ശ്രീബാല. വിഷ്ണു നാരായണൻ ഛായാഗ്രഹണവും കിരൺ ദാസ് എഡിറ്റിങ്ങും നിർവഹിക്കുന്നു. സംഗീതം: രഞ്ജിൻ രാജ് നിർവഹിക്കുന്നു.
STORY HIGHLIGHT: actor arjun ashokan movie anand sreebala
