അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശിവകാർത്തികേയൻ നായകനായെത്തിയ ‘അമരൻ’ വിജയകരമായി തിയേറ്ററിൽ പ്രദർശനം തുടരുകയാണ്. രാജ്‌കുമാർ പെരിയസാമി സംവിധാനം ചെയ്ത ചിത്രം ആഗോളതലത്തിൽ 250 കോടി കളക്ഷൻ കടന്നിട്ടുണ്ട്. വീരമൃത്യു വരിച്ച ഇന്ത്യൻ സൈനികൻ മേജർ മുകുന്ദ് വരദരാജന്റെ ജീവിതം പറയുന്ന ചിത്രം ദീപാവലിക്കാണ് റിലീസ് ചെയ്തത്. ഇപ്പോൾ വൈറൽ ആകുന്നത് ശിവകാർത്തികേയൻ ‘അമരൻ’ ലുക്കിൽ എത്തി സോഷ്യൽ മീഡിയയിൽ പങ്കുവെച്ച ഒരു വീഡിയോയാണ്. തന്റെ ഭാര്യ ആർതിക്ക് പിറന്നാൾ ആശംസകളുമായാണ് താരം അമരനിലെ പട്ടാളവേഷത്തിൽ എത്തിയത്.
പട്ടാള വേഷത്തിൽ എത്തി പിറകിൽ നിന്ന് ഭാര്യയെ സർപ്രൈസ് ചെയ്യിക്കുന്നതാണ് വീഡിയോ. സോഷ്യൽ മീഡിയയിൽ ഇതിനോടകം തന്നെ നിരവധി പേർ വീഡിയോ ഷെയർ ചെയ്തിട്ടും ആർതിക്ക് പിറന്നാൾ ആശംസകൾ അറിയിച്ചിട്ടുമുണ്ട്.
