കുടുംബ ബന്ധത്തിന്റെ വില അറിയാന്‍ വിദ്യാര്‍ത്ഥികളായ അബിന്‍ ജോസഫ്, ദേവിക രാജ് എന്നിവരെ പ്രധാന കഥാപാത്രങ്ങളാക്കി നവാഗതനായ എന്‍.രാമചന്ദ്രന്‍ നായര്‍ കഥയെഴുതി സംവിധാനം ചെയ്യുന്ന ‘ ഈ ബന്ധം സൂപ്പറാ…’ എന്ന ചിത്രം ഇന്ന് നവംബര്‍ 15ന് പ്രദര്‍ശനത്തിനെത്തുന്നു. മേജര്‍ രവി, കോഴിക്കോട് നാരായണന്‍ നായര്‍, കുട്ട്യേടത്തി വിലാസിനി, ദീപക് ധര്‍മ്മടം, പ്രകാശ് പയ്യാനക്കല്‍, എന്‍.രാമചന്ദ്രന്‍ നായര്‍, രമ്യാകൃഷ്ണന്‍, അഞ്ജു കൃഷ്ണ, ബാല താരങ്ങളായ ശ്രീലക്ഷ്മി, ബേബി ഗൗരി, ബേബി ആദ്യ രഞ്ജിത്ത് തുടങ്ങിയവരോടൊപ്പം മറ്റു കുട്ടികളും അധ്യാപകരും ഈ ചിത്രത്തില്‍ അഭിനയിക്കുന്നു.
മാതാപിതാക്കളെ വൃദ്ധസദനത്തില്‍ തള്ളുന്ന മക്കളുടെ ഈ കാലഘട്ടത്തില്‍, വൃദ്ധസദനത്തില്‍ നിന്നും അന്തേവാസികളായ ഒരു അച്ഛനെയും, അമ്മയെയും ദത്തെടുക്കുന്ന രണ്ട് സ്‌കൂള്‍ വിദ്യാര്‍ത്ഥികളും അവര്‍ക്ക് നിയമ സംരക്ഷണം നല്‍കുന്നതിന് ശ്രമിക്കുന്ന അധ്യാപകരുടെയും, രക്ഷാകര്‍ത്തൃ സമിതിയുടെയും കഥ ഹൃദയസ്പര്‍ശിയായി ദൃശ്യവല്‍ക്കരിക്കുന്ന ചിത്രമാണ് ‘ഈ ബന്ധം സൂപ്പറാ.’
എക്‌സിക്യുട്ടീവ് പ്രൊഡ്യൂസര്‍ കെ.ടി.മുരളീധരന്‍, തിരക്കഥ- വി.ഉണ്ണിക്കൃഷ്ണന്‍, ഛായാഗ്രഹണം- അദ്വൈത്,അനുരാജ്, തസ്ലിമുജീബ്,ഗാനരചന-ഷാബി പനങ്ങാട്, സംഗീതം-സാജന്‍ കെ റാം, ആലാപനം-ചെങ്ങന്നൂര്‍ ശ്രീകുമാര്‍, കൊല്ലം അഭിജിത്ത്, കീര്‍ത്തന കോഴിക്കോട്, പശ്ചാത്തല സംഗീതം എ എഫ് മ്യൂസിക്കല്‍സ്, എഡിറ്റിംഗ്-തസ്ലിമുജീബ്,പ്രൊഡക്ഷന്‍ കണ്‍ട്രോളര്‍- ടി പി സി വളയന്നൂര്‍, കോസ്റ്റ്യൂംസ്-ലിജി, ചമയം-അശ്വതി, ജോണ്‍,ശാരദ പാലത്ത്, രഞ്ജിത്ത് രവി, വിഎഫക്‌സ്-സവാദ്, അസിസ്റ്റന്റ് ഡയറക്ടര്‍- മൃദു മോഹന്‍, കൊറിയോഗ്രാഫി-ലിജി അരുണ്‍കുമാര്‍, ബാലു പുഴക്കര. പി ആര്‍ ഒ-എ എസ് ദിനേശ്.
കുട്ടികള്‍ക്ക് സിനിമയോടുള്ള അഭിനയചാതുര്യം പരിപോഷിപ്പിക്കുന്നതിന് വേണ്ടി സ്‌കൂള്‍ മാനേജ്‌മെന്റും, അധ്യാപകരും, രക്ഷകര്‍ത്താക്കളും ചേര്‍ന്ന് ലിറ്റില്‍ ഡാഫോദില്‍സ് പ്രൊഡക്ഷന്‍സിന്റെ ബാനറില്‍ നിര്‍മിക്കുന്ന ചിത്രമാണിത്.