അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജോജു ജോർജ് സംവിധാനം ചെയ്ത ‘പണി’ ചിത്രത്തെ പ്രശംസിച്ച് നടനും സംവിധായകനുമായ അനൂപ് മേനോൻ. വരും നാളുകളിൽ മലയാളത്തിലെ മികച്ച സംവിധായകരുടെ പട്ടികയിൽ ജോജുവും ഉൾപ്പെടുമെന്നും അനൂപ് മേനോൻ കുറിച്ചു.
‘ പണി കണ്ടു. ഗംഭീര കമേഴ്‌സ്യൽ സിനിമ. ജോജു ജോർജ് ഒരു മികച്ച സംവിധായകനായെന്ന് ഈ സിനിമയിലൂടെ വ്യക്തം, വരും കാലങ്ങളിൽ അദ്ദേഹം തീർച്ചയായും മികച്ച സംവിധായകരുടെ കൂട്ടത്തിൽ എത്തും. നവാഗതരുടെ മികവാർന്ന പ്രകടനങ്ങൾ, പ്രത്യേകിച്ച് ബോബി, അഭയ, വില്ലൻമാരായ സാഗർ, ജുനൈസ് മൂർച്ചയുള്ള എഡിറ്റിങും വേട്ടയാടുന്ന പശ്ചാത്തല സ്‌കോറും, എല്ലാ വിഭാഗത്തിലും ഒരുപോലെ മികവു പുലർത്തുത്തുന്ന ചിത്രം മലയാളത്തിലെ എക്കാലത്തെയും മികച്ച ഗ്യാങ്‌സ്റ്റർ ചിത്രങ്ങളിലൊന്നായി മാറുന്നു. തമിഴ്, കൊറിയൻ സിനിമകളെ പ്രശംസിക്കുന്നതുപോലെ ഈ സിനിമയും പ്രശംസിക്കപ്പെടണം. തിയറ്ററിൽ ഈ സിനിമ നഷ്ടപ്പെടുത്തരുത്.’ അനൂപ് മേനോൻ പറഞ്ഞു.
ജോജു ജോർജ് തിരക്കഥ എഴുതിയ സംവിധാനം നിർവഹിച്ച ആദ്യ സിനിമയാണ് ‘പണി’. വൻ താരനിരയും അറുപതോളം പുതിയ താരങ്ങളും അണിനിരന്ന ചിത്രം വലിയ വിജയമായിരുന്നു.
STORY HIGHLIGHT: anoop menon praises pani movie and joju george
