തെന്നിന്ത്യൻ താരസുന്ദരി നയൻതാര ഇൻസ്റ്റഗ്രാമിൽ പങ്കുവെച്ച ഫാമിലിഫോട്ടോ ഏറ്റെടുത്തിരിക്കുകയാണ് ആരാധകർ. വിഘ്നേഷ് ശിവനും കുഞ്ഞുങ്ങൾക്കും ഒപ്പം ഇരിക്കുന്ന ഫോട്ടോയാണ് നയൻതാര പങ്കുവെച്ചിരിക്കുന്നത്. കുഞ്ഞുങ്ങളായ ഉയിരും ഉലകവും വിഘ്നേഷും വെള്ള കസവുമുണ്ടും ഷർട്ടും ആണ് ധരിച്ചിരിക്കുന്നത്. ഇളം പച്ചനിറത്തിലുള്ള സാരിയാണ് നയൻതാര ധരിച്ചിരിക്കുന്നത്. കുടുംബത്തിന് ആശംസകൾ നേർന്നും കുഞ്ഞുങ്ങൾ എന്തു ക്യൂട്ട് ആണെന്നും സന്തുഷ്ട കുടുംബം എന്നുമൊക്കെ നിരവധി കമന്റുകളാണ് പോസ്റ്റിന് താഴെ വന്നിരിക്കുന്നത്.
സ്നേഹം മാത്രം എന്ന അടിക്കുറിപ്പോടെയാണ് നയൻതാര ചിത്രങ്ങൾ പോസ്റ്റ് ചെയ്തിരിക്കുന്നത്. എല്ലാ അച്ഛനമ്മമാരുടെയും സന്തോഷത്തിന് കാരണക്കാരായ കുഞ്ഞുങ്ങൾക്കും ശിശുദിനാശംസകളും നയൻതാര നേരുന്നു.