അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ധനുഷ്, നാഗാര്‍ജ്ജുന, രശ്മിക മന്ദാന എന്നിങ്ങനെ വലിയ താരനിരയുമായി എത്തി ശേഖര്‍ കമ്മുല സംവിധാനം ചെയ്യുന്ന ‘കുബേര’ എന്ന ചിത്രത്തിന്‍റെ ഗ്ലിംപ്സ് റിലീസായി. ടീസര്‍ പോലെയാണ് ഈ രംഗങ്ങള്‍ പുറത്തിറങ്ങിയിരിക്കുന്നത്. രണ്ട് വ്യത്യസ്ത ലുക്കിലാണ് ടീസറില്‍ ധനുഷിനെ കാണാനാകുന്നത്. ചിത്രം ഒരു ത്രില്ലറാണ് എന്ന വിലയിരുത്തലിലാണ് പ്രേക്ഷകര്‍. ചിത്രം ഡിസംബറില്‍ തീയറ്ററുകളില്‍ എത്തിയേക്കും.
ശ്രീ വെങ്കിടേശ്വര സിനിമാസ് എൽഎൽപി, അമിഗോസ് ക്രിയേഷൻസ് പ്രൈവറ്റ് ലിമിറ്റഡ് എന്നീ ബാനറുകളിൽ സുനിൽ നാരംഗ്, പുസ്കൂർ റാം മോഹൻ റാവു എന്നിവർ ചേർന്നാണ് കുബേര നിർമ്മിക്കുന്നത്. രായന് ശേഷം ധനുഷിന്‍റെതായി വരാനിരിക്കുന്ന ചിത്രമാണ് കുബേര. ദേവി ശ്രീ പ്രസാദാണ് ചിത്രത്തിന്‍റെ സംഗീതം നിര്‍വഹിക്കുന്നത്. ചിത്രം പണം അടിസ്ഥാനമാക്കിയ ഒരു ത്രില്ലറാണ് എന്നാണ് വിവരം. ബോളിവു‍ഡ് താരം ജിം സര്‍ഭ് ചിത്രത്തില്‍ പ്രധാന വേഷത്തില്‍ എത്തുന്നു എന്നാണ് ടീസര്‍ നല്‍കുന്ന സൂചന. ബഹുഭാഷാ ചിത്രമായി ഒരുങ്ങുന്ന കുബേര തമിഴ്, തെലുങ്ക്, ഹിന്ദി ഭാഷകളിൽ ഒരേ സമയം ചിത്രീകരിക്കുകയാണ്.
STORY HIGHLIGHT: kubera glimpse dhanush nagarjuna rashmika staring sekhar kammula movie
