നടിയും നിര്‍മ്മാതാവുമായ സാന്ദ്രാ തോമസിനെ പ്രൊഡ്യൂസേഴ്‌സ് അസോസിയേഷനില്‍ നിന്ന് പുറത്താക്കിയത് വലിയ വിവാദങ്ങള്‍ക്ക് വഴിയൊരുക്കിയിരിക്കുകയാണ്. അതിനു പിന്നാലെ തന്നെ സംഘടനയിൽ നിന്ന് പുറത്താക്കാനുണ്ടായ സാഹചര്യത്തെ കുറിച്ച് വിവരിക്കുകയാണ് നടി. തന്റെ സിനിമയായ ലിറ്റില്‍ ഹാര്‍ട്ട്‌സിന്റെ വിതരണത്തില്‍ ഫിയോക്കിന്റേയും നിര്‍മ്മാതാക്കളുടെ സംഘടനയുടേയും ഭാഗത്തു നിന്നുമുണ്ടായ ഒറ്റപ്പെടുത്തലിനെ കുറിച്ച് തുറന്ന് പറഞ്ഞിരുന്നു. പക്ഷെ അവർ അത് തനിക്കിട്ട് തന്ന പണിയല്ലയെന്നും ചിത്രത്തിൽ നായകൻ ആയെത്തിയ ഷെയിൻ നിഗമിനുള്ള പണി ആയിരുന്നു അതെന്നുമാണ് സാന്ദ്ര തോമസ് പറഞ്ഞത്. ലിറ്റിൽ ഹാര്‍ട്ട്‌സിന്റെ വിതരണം നടത്തിയിരുന്നത് ഫിയോക്ക് ആയിരുന്നു.
എന്നാല്‍ പക്ഷെ മതിയായ പോസ്റ്ററുകളോ പരസ്യങ്ങളോ ഈ ചിത്രത്തിന് ലഭിച്ചിരുന്നില്ല. പക്ഷെ സിനിമ റിലീസ് ആയ അന്ന് തന്നെ പണി പാളിയെന്ന് തനിക്ക് മനസിലായി എന്നും സാന്ദ്ര തോമസ് പറയുന്നു. ഷോ ടൈമിംഗ് തെറ്റി, പ്രധാനപ്പെട്ട നഗരങ്ങളിലൊന്നും ആ സിനിമയില്ല, എല്ലാവരും പടമില്ലേ എന്ന് ചോദിച്ച് വിളിക്കുന്നു. ആദ്യ ആഴ്ച തന്നെയാണ് ഇതൊക്കെ സംഭവിക്കുന്നത് എന്നും സാന്ദ്ര തോമസ് വെളിപ്പെടുത്തിയിരുന്നു . 7 കോടിയോളം രൂപ മുതൽ മുടക്കിൽ ഇറക്കിയ ചിത്രം തിയറ്ററുകളിൽ ഓടാത്ത അവസ്ഥയായിരുന്നു . സിനിമയെ കുറിച്ച് നല്ല അഭിപ്രായമായിരുന്നു .
അതുപോലെ സംവിധായകൻ വിനയനും മുൻപ് ബി. ഉണ്ണിക്കൃഷ്ണനെതിരെ കടുത്ത ആരോപണങ്ങളുമായി രംഗത്ത് വന്നിരുന്നു . ഹേമ കമ്മിറ്റി റിപ്പോർട്ട് പുറത്ത് വന്നിട്ടും പ്രതികരിക്കാതിരുന്ന ഫെഫ്‌ക ക്കെതിരെയും ബി ഉണ്ണിക്കൃഷ്ണനെതിരെയും വിമർശനങ്ങൾ ഉയർന്നപ്പോൾ എല്ലാം ആരോപണങ്ങളാണെന്നും ‘അമ്മ സംഘടന ഒരു ട്രേഡ് യൂണിയൻ ആക്കിമാറ്റണമെന്നും സിനിമയിൽ പവർ ഗ്രൂപ്പില്ലെന്നും നയാ രൂപീകരണ സമിതിയില്നിന്നും മാറില്ലെന്നും അദ്ദേഹം അന്ന് പ്രതികരിച്ചിരുന്നു . എന്നാൽ പിന്നീട് നയ രൂപീകരണ സമിതിയിൽ നിന്നും അദ്ദേഹം പിന്മാറേണ്ടി വന്നു .
തനിക്കുണ്ടായ അതിക്രമം ചൂണ്ടിക്കാണിച്ച പരാതിക്കാരി എന്ന നിലയില്‍ തന്നെ സംരക്ഷിക്കുന്നതിന് പകരം സംഘടന പുറത്താക്കുകയാണ് ചെയ്തതെന്ന് സാന്ദ്ര പ്രതികരിച്ചിരുന്നു . ഇതിന് പിന്നിലെ സ്വാധീനം ആരുടേതാണെന്ന് സാന്ദ്ര തോമസ് വെളിപ്പെടുത്തിയിരിക്കുകയാണ് ഇപ്പോള്‍. പവര്‍ ഗ്രൂപ്പ് എന്ന് എല്ലാവരും കരുതിയിരിക്കുന്നത് മലയാള സിനിമാ താരങ്ങളുടെ സംഘടനയായ എ എം എം എയിലെ താരങ്ങളെയാണ്. എന്നാല്‍ അത് തെറ്റിദ്ധാരണ ആണെന്നും പ്രൊഡ്യൂസ് അസോസിയേഷനിലാണ് പവര്‍ ഗ്രൂപ്പിലെ പ്രമുഖര്‍ ഉള്ളതൊന്നും സാന്ദ്ര തോമസ് പറയുന്നു.
STORY HIGHLLIGHTS: sandra-thomas-about-power-group-of-malayalam-cinema