നടൻ എന്നതിലുപരി തനിക്ക് ഭയങ്കര ഇഷ്ടമുള്ള സംവിധായകനാണ് ബേസിലെന്ന് നസ്രിയ. ബേസിൽ ജോസഫ്, നസ്രിയ നസിം എന്നിവരെ കേന്ദ്ര കഥാപാത്രങ്ങളാക്കി എം സി സംവിധാനം ചെയ്യുന്ന ചിത്രമാണ് സൂക്ഷ്മദര്‍ശിനി. ചിത്രത്തിന്റെ പ്രമോഷന്റെ ഭാഗമായി നൽകിയ അഭിമുഖത്തിൽ ആയിരുന്നു താരത്തിന്റെ പരാമർശം. കൂടെ അഭിനയിക്കുക എന്ന് പറയുന്നത് വളരെ എക്സൈറ്റിങ്ങ് ആയിരുന്നു. മിനിമം ഗ്യാരണ്ടി തരുന്ന രണ്ട് താരങ്ങൾ എന്ന പ്രേക്ഷകരുടെ വിശ്വാസം വലിയ ഉത്തരവാദിത്തമാണ് ഞങ്ങൾക്ക് തരുന്നത്. പ്രേക്ഷകർ പ്രതീക്ഷിക്കാത്ത ഒരുപാട് സസ്പൻസും മറ്റും ചിത്രത്തിലുണ്ട്”- നസ്രിയ പറയുന്നു.
നസ്രിയയുടെ ഭാഗത്ത് നിന്ന് പ്രേക്ഷകർ പ്രതീക്ഷിക്കാത്ത ഒരു കഥാപാത്രമാണ് സൂക്ഷ്മദർശിനിയിലേത്. കപ്പിൾ കെമിസ്ട്രി അല്ല ഞങ്ങൾ തമ്മിലിതിൽ ഉള്ളത്. ഞങ്ങൾ രണ്ട് പേരുടെ ഭാഗത്ത് നിന്നും നിങ്ങൾ പ്രതീക്ഷിക്കാത്ത റോളുകളാണ്. അതാണ് ഏറ്റവും വലിയ എക്സൈറ്റ്മെന്റ്. പിന്നെ ടെക്നിക്കലി നല്ലൊരു ടീമാണ് സൂക്ഷ്മദർശിനിയിലേത്’. ബേസിൽ പറഞ്ഞു.
‘മിന്നൽ മുരളിക്ക് ശേഷം ഭാവന സ്റ്റുഡിയോയുമായി ചേർന്ന് നസ്രിയയെ നായികയാക്കി സിനിമ പ്ലാൻ ചെയ്തതാണ്, . അത് പല കാരണങ്ങൾകൊണ്ടും നീണ്ടുപോയി. വൈകാതെ അത് സംഭവിക്കുമെന്ന് പ്രതീക്ഷിക്കാം. തുടരെത്തുടരെ ചിത്രങ്ങൾ എങ്ങനെ ചെയ്യുന്നു എന്ന് പലരും ചോദിക്കാറുണ്ട്. നന്നായി പണിയെടുക്കുന്നു, നല്ല സിനിമകൾ വരുന്നുണ്ട്, അതിന്റെ ഭാഗമാവാൻ സാധിക്കുന്നുണ്ട്. അവിവാഹിതൻ, തൊഴില‍ില്ലാത്ത ചെറുപ്പക്കാരൻ, അങ്ങനെയുള്ള കഥാപാത്രങ്ങൾക്ക് പറ്റിയ മുഖമായി പലർക്കും തോന്നുന്നുണ്ട്. അതൊക്കെ കൊണ്ടാവാം തുടരെത്തുടരെ എന്നെ സിനിമയിൽ കാണുന്നത്. നല്ല സിനിമയുടെ ഭാഗമായാൽ തന്നെ കുറേക്കാലം ഇവിടെ നിൽക്കാനാകുമെന്നാണ് ഞാൻ വിശ്വസിക്കുന്നത്’. ബേസിൽ പറയുന്നു.
ഹാപ്പി അവേർസ് എന്‍റർടെയ്ൻമെന്‍റ്സിന്‍റെയും എ വി എ പ്രൊഡക്ഷൻസിന്‍റെയും ബാനറുകളില്‍ സമീർ താഹിർ, ഷൈജു ഖാലിദ്, എ വി അനൂപ് എന്നിവർ ചേര്‍ന്നാണ് ചിത്രം നിര്‍മിക്കുന്നത്. തിരക്കഥ രചിച്ചിരിക്കുന്നത് ലിബിനും അതുലും ചേർന്നാണ്. ചിത്രത്തിനായി സംഗീതം ഒരുക്കുന്നത് ക്രിസ്റ്റോ സേവ്യറാണ്.
നസ്രിയയും ബേസിലും നായികയും നായകനുമായി ആദ്യമായി ഒരുമിക്കുന്ന ചിത്രത്തിലെ മറ്റ് സുപ്രധാന വേഷങ്ങൾ ദീപക് പറമ്പോല്‍, സിദ്ധാർത്ഥ് ഭരതൻ, കോട്ടയം രമേശ്, അഖില ഭാർഗവൻ, പൂജ മോഹൻരാജ്, മെറിൻ ഫിലിപ്പ്, മനോഹരി ജോയ്, ഹെസ്സ മെഹക്ക്, ഗോപൻ മങ്ങാട്, ജയ കുറുപ്പ്, റിനി ഉദയകുമാർ, ജെയിംസ്, നൗഷാദ് അലി, അപർണ റാം, സരസ്വതി മേനോൻ, അഭിറാം രാധാകൃഷ്ണൻ തുടങ്ങിയവരാണ് കൈകാര്യം ചെയ്യുന്നത്. സിനിമയുടേതായി അടുത്തിടെ പുറത്തിറങ്ങിയ പ്രൊമോ സോങ് ‘ദുരൂഹ മന്ദഹാസമേ…’ സോഷ്യൽ മിഡിയിലടക്കം ട്രെൻഡിംഗായിരുന്നു. അതിനുപിന്നാലെ ഇപ്പോൾ ട്രെയിലറും സോഷ്യൽമീഡിയ ഏറ്റെടുത്തിരിക്കുകയാണ്.
എക്സിക്യൂട്ടീവ് പ്രൊഡ്യൂസേഴ്സ് ഇംതിയാസ് കദീർ, സനു താഹിർ, ഛായാഗ്രഹണം ശരൺ വേലായുധൻ, ചിത്രസംയോജനം ചമൻ ചാക്കോ, ഗാനരചന മു.രി, വിനായക് ശശികുമാർ, ഓഡിയോഗ്രാഫി വിഷ്ണു ഗോവിന്ദ്, കലാസംവിധാനം വിനോദ് രവീന്ദ്രൻ, മേക്കപ്പ് ആർ ജി വയനാടൻ, വസ്ത്രാലങ്കാരം മഷർ ഹംസ, സ്റ്റിൽസ് രോഹിത് കൃഷ്ണൻ, പ്രൊഡക്ഷൻ കൺട്രോളർ പ്രതീഷ് മാവേലിക്കര, പ്രൊഡക്ഷൻ എക്സിക്യൂട്ടീവ് നസീർ കാരന്തൂർ, പോസ്റ്റർ ഡിസൈൻ സര്‍ക്കാസനം, യെല്ലോ ടൂത്ത്സ്, ചീഫ് അസോസിയേറ്റ് രോഹിത് ചന്ദ്രശേഖർ, ഫിനാൻസ് കൺട്രോളർ ഷൗക്കത്ത് കല്ലൂസ്, സംഘട്ടനം പിസി സ്റ്റണ്ട്സ്, വിഎഫ്എക്സ് ബ്ലാക്ക് മരിയ, കളറിസ്റ്റ് ശ്രീക് വാര്യര്‍, വിതരണം ഭാവന റിലീസ്, പ്രൊമോ സ്റ്റിൽസ് വിഷ്ണു തണ്ടാശ്ശേരി, പിആർഒ ആതിര ദിൽജിത്ത്.
content highlight: nazriya about basil joseph