വളരെ ചെറുപ്പത്തിൽ അഭിനയരംഗത്തേക്ക് കടന്നുവന്ന് വിജയം നേടിയ താരമാണ് നമിത പ്രമോദ്. സീരിയലുകളിലൂടെ ബാലതാരമായാണ് അഭിനയജീവിതം തുടങ്ങിയത്. നടിയായി സിനിമയിലേക്ക് വന്നപ്പോഴും നല്ല താരമൂല്യമുണ്ടായിരുന്നു. മുന്‍നിര നടന്മാര്‍ക്കൊപ്പമെല്ലാം അഭിനയിച്ചിട്ടുണ്ട് നമിത. സിനിമയിൽ വന്ന തുടക്ക കാലഘട്ടത്തിൽ തന്നെ സത്യൻ അന്തിക്കാട്, ലാൽജോസ് തുടങ്ങിയ പ്രമുഖ സംവിധായകരുടെ സിനിമകളിൽ നമിതയ്ക്ക് അവസരങ്ങൾ ലഭിച്ചിട്ടുണ്ട്. ഇപ്പോൾ സിനിമയിൽ നിന്ന് ഒരു ഇടവേള എടുത്ത് നിൽക്കുകയാണ് നമിത എങ്കിലും സോഷ്യൽ മീഡിയയിൽ സജീവമാണ്. നമിത ഇൻസ്റ്റഗ്രാമിൽ കറുപ്പ് സാരിയുടുത്ത് പങ്കുവെച്ച ചിത്രങ്ങളാണ് ഇപ്പോൾ ശ്രദ്ധ നേടുന്നത്. പൈങ്കിളി എന്ന അടിക്കുറിപ്പോടെയാണ് വിന്റേജ് ലുക്കിലുള്ള താരത്തിന്റെ ഫോട്ടോ. അതീവ സുന്ദരിയായിരിക്കുന്നു എന്നും സുമലതയെപ്പോലെ ഉണ്ടല്ലോ എന്നൊക്കെയുള്ള നിരവധി കമന്റുകളാണ് ഫോട്ടോയ്ക്ക് താഴെ വരുന്നത്. നമിത സിനിമയിലേക്ക് വന്നപ്പോൾ മുതൽ സുമുലത എന്ന ആദ്യകാല നടിയെ ഓര്‍ക്കുന്നവരെല്ലാം പറഞ്ഞു നമിതയ്ക്ക് സുമലതയുടെ മുഖച്ചായയുണ്ടെന്ന്. സാരിയുടുത്തുള്ള മിക്ക ഫോട്ടോകളിലും നമിതയ്ക്ക് സുമലതയോട് സാമ്യമുണ്ട്.