അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആദ്യ ദിവസം തന്നെ കങ്കുവയ്ക്ക് ഇത്രയും നെഗിറ്റിവിറ്റി വന്നുവെന്നത് സങ്കടകരമാണെന്ന് ജ്യോതിക. ആദ്യ ഷോ കഴിയുന്നതിന് മുമ്ബ് തന്നെ സിനിമയ്ക്കെതിരെ നെഗറ്റീവ് റിവ്യുകള്‍ വന്നിരുന്നുവെന്നാണ് ജ്യോതിക പറയുന്നത്. പിന്നില്‍ സംഘം ചേര്‍ന്നുള്ള ഗൂഢാലോചനയുണ്ടെന്നുള്ള സംശയവും ജ്യോതിക പ്രകടിപ്പിക്കുന്നുണ്ട്. ഇത്രയും ഗംഭീരമായ വിഷ്വലുകളും ത്രീഡിയുമൊക്കെ ഒരുക്കാന്‍ സിനിമയുടെ ടീം കാണിച്ച എഫേര്‍ട്ടിനെ അഭിനന്ദിക്കുകയാണ് വേണ്ടെന്നും താരം പറയുന്നു. കങ്കുവ ടീമിനോട് അഭിമാനിക്കാനാണ് താരം പറയുന്നത്. നെഗറ്റീവ് പറയുന്നവര്‍ക്ക് സിനിമയെ മെച്ചപ്പെടുത്താന്‍ ഒന്നും ചെയ്യാന്‍ ഇല്ലാത്തതിനാലാണെന്നും താരം പറയുന്നു. ചിരുത്തൈ ശിവ സംവിധാനം ചെയ്ത ചിത്രമാണ് കങ്കുവ. ദിഷ പഠാനിയായിരുന്നു ചിത്രത്തിലെ നായിക. വലിയൊരു താരനിര തന്നെ ചിത്രത്തില്‍ അണിനിരന്നിരുന്നു. രണ്ട് വര്‍ഷത്തിന് ശേഷം തീയേറ്ററില്‍ റിലീസ് ചെയ്യുന്ന സൂര്യ ചിത്രമായിരുന്നു കങ്കുവ.
