Suraj - Vinayakan's film 'Thekku Vadakku' to go OTT
പ്രേംശങ്കര്‍ സംവിധാനം ചെയ്ത് സുരാജ് വെഞ്ഞാറമ്മൂടും വിനായകനും കേന്ദ്ര കഥാപാത്രങ്ങളായി എത്തിയ ചിത്രം തെക്ക് വടക്ക് ഒടിടിയിലേക്കെത്തുകയാണ്. ചിത്രം മനോരമ മാക്‌സില്‍ നവംബര്‍ 19 മുതല്‍ സ്ട്രീമിങ് തുടങ്ങും.ലിജോ ജോസ് പെല്ലിശ്ശേരി സംവിധാനം ചെയ്ത് ഏറെ ശ്രദ്ധേയമായ ജല്ലിക്കെട്ട്, ചുരുളി, നന്‍ പകല്‍ നേരത്ത് മയക്കം എന്നീ ചിത്രങ്ങള്‍ക്കു തിരക്കഥ ഒരുക്കിയ എസ്.ഹരീഷ് ആണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. അദ്ദേഹത്തിന്റെ തന്നെ രാത്രി കാവല്‍ എന്ന കഥയെ ആസ്പദമാക്കിയാണ് ചിത്രം.
ജയിലറിന് ശേഷം വിനായകന്‍ അഭിനയിക്കുന്ന ചിത്രം കൂടിയാണിത്. അഞ്ജന ഫിലിപ്പിന്റെ ഉടമസ്ഥതയിലുള്ള അഞ്ജനാ ടാക്കീസും പ്രശസ്ത സംവിധായകന്‍ വി.എ ശ്രീകുമാറിന്റെ ഉടമസ്ഥതയിലുള്ള വാര്‍സ് സ്റ്റുഡിയോസും ചേര്‍ന്നാണ് ഈ ചിത്രം നിര്‍മ്മിച്ചത്.
മെല്‍വിന്‍ ബാബു, ഷമീര്‍ ഖാന്‍, കോട്ടയം രമേഷ്, മെറിന്‍ ജോസ്, വിനീത് വിശ്വം, ബാലന്‍ പാലക്കല്‍, ജയിംസ് പാറക്കല്‍ തുടങ്ങിയ താരങ്ങളും ഇവര്‍ക്കൊപ്പം അഭിനയിച്ചിട്ടുണ്ട്. സാം സി. എസ് ആണ് ഈ ചിത്രത്തിന്റെ സംഗീതം സംവിധായകന്‍. ലഷ്മി ശ്രീകുമാറാണ് ഈ ചിത്രത്തിലെ ഗാനങ്ങള്‍ രചിച്ചിരിക്കുന്നത്. സുരേഷ് രാജനാണ് ഛായാഗ്രാഹകന്‍. എഡിറ്റിംഗ്- കിരണ്‍ ദാസ്. കലാസംവിധാനം- രാഖില്‍. മേക്കപ്പ്- അമല്‍ ചന്ദ്ര.