ഫഹദിന്റെ റഫറൻസ് മമ്മൂട്ടിയെന്ന് നസ്രിയ

ഈ വര്‍ഷം മലയാളത്തിൽ ഇറങ്ങിയതിൽ ബമ്പർ ഹിറ്റ് ചിത്രമായിരുന്നു ഫഹദ് ഫാസിലിന്റെ ആവേശം. രംഗണ്ണനായി ഫഹദ് തകര്‍ത്തഭിനയിച്ച സിനിമ സംവിധാനം ചെയ്തത് ജിത്തു മാധവ് ആണ്. നസ്രിയ നസീം, ഫഹദ് ഫാസിൽ, അൻവർ റഷീദ് എന്നിവർ ചേർന്നാണ് ചിത്രം നിർമിച്ചിരിക്കുന്നത്. ഇപ്പോൾ ചിത്രത്തിന്റെ ഷൂട്ടിംഗ് സമയത്തെ അനുഭവങ്ങൾ പങ്കുവയ്ക്കുകയാണ് നസ്രിയ. രംഗണ്ണൻ എന്ന കഥാപാത്രം ചെയ്യാനായി ഫഹദ് റഫറൻസ് ആയി എടുത്തത് മമ്മൂട്ടിയെ ആണെന്നാണ് നസ്രിയ പറയുന്നത്. ചട്ടമ്പിനാട് എന്ന ചിത്രത്തിലെ മമ്മൂട്ടിയുടെ ഡയലോഗ് ഡെലിവറി ഫഹദിന് ഇഷ്ടപ്പെട്ടിരുന്നു,  അത് വളരെ നന്നായിരുന്നു അതുകൊണ്ടാണ് മമ്മൂട്ടിയെ തന്നെ റഫറൻസ് ആയി സ്വീകരിച്ചതെന്നാണ് നസ്രിയ വ്യക്തമാക്കുന്നത്.