അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിയേറ്ററിൽ മികച്ച പ്രതികരണങ്ങൾ നേടി വൻവിജയമായ ആസിഫ് അലി ചിത്രം കിഷ്‍കിന്ധാകാണ്ഡം ഒടിടി യിൽ ഇറങ്ങിയപ്പോഴും പ്രേക്ഷകരുടെ അഭിപ്രായത്തിന് മാറ്റമില്ല. വിസ്മയിപ്പിക്കുന്ന ചിത്രം എന്ന് തന്നെയാണ് പ്രേക്ഷക പ്രതികരണം. ആസിഫ് അലിയുടെയും വിജയരാഘവന്റെയും അഭിനയത്തിനും മികച്ച പ്രതികരണങ്ങളും അഭിനന്ദനങ്ങളുമാണ് പ്രേക്ഷകർ നൽകുന്നത്. ആസിഫ് അലിയുടെ എക്കാലത്തെയും മികച്ച ചിത്രങ്ങളില്‍ ഒന്നായിരിക്കും കിഷ്‍കിന്ധാകാണ്ഡം എന്ന അഭിപ്രായങ്ങളും ഉയർന്നു വരുന്നുണ്ട്. സെപ്റ്റംബർ 12ന് തിയേറ്ററുകളിൽ എത്തിയ ചിത്രം നവംബർ 19നാണ് ഡിസ്നി പ്ലസ് ഹോട്ട്സ്റ്റാറിൽ സ്ട്രീമിങ് ആരംഭിച്ചത്. ദിൻജിത്ത് അയ്യത്താൻ സംവിധാനം നിർവഹിച്ച ചിത്രത്തിൽ ആസിഫ് അലി, വിജയരാഘവൻ, അപർണ ബാലമുരളി, അശോകൻ, ജഗദീഷ്, മേജർ രവി തുടങ്ങിയവരാണ് പ്രധാന വേഷങ്ങളിൽ എത്തിയിരിക്കുന്നത്
