അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൈറ ബാനുവുമായുള്ള വിവാഹമോചനം സ്ഥിരീകരിച്ച് എ.ആര്‍. റഹ്മാന്. ‘ഈ ബന്ധം മുപ്പതിലെത്തുമെന്ന് പ്രതീക്ഷിച്ചു’ എന്ന് തുടങ്ങുന്ന വികാരനിര്‍ഭരമായ കുറിപ്പ് റഹ്മാന് പങ്കുവച്ചിരുന്നു. ഈ കുറിപ്പ് എക്സില്‍ ഷെയര്‍ ചെയ്ത് കൂപ്പുകയ്യുമായി മകള്‍ ഖദീജ റഹ്മാൻ. സ്വകാര്യത മാനിക്കണമെന്ന് രണ്ടാമത്തെ മകള്‍ റഹീമയും ആവശ്യപ്പെട്ടു. എ.ആര്‍.റഹ്‌മാനും ഭാര്യ സൈറയും വേര്‍പിരിയാന്‍ പോകുകയാണെന്ന് വാര്‍ത്ത പരന്നതിനുപിന്നാലെയാണ് എക്‌സിലൂടെ റഹ്മാന് പ്രതികരിച്ചത്.
‘ഈ ബന്ധം മുപ്പതിലെത്തുമെന്ന് ഞങ്ങള്‍ പ്രതീക്ഷിച്ചിരുന്നു. പക്ഷേ, എല്ലാകാര്യങ്ങള്‍ക്കും കാണാന്‍ കഴിയാനാകാത്ത ഒരു അവസാനമുണ്ട്. തകര്‍ന്ന ഹൃദയങ്ങളാല്‍ ദൈവത്തിന്റെ സിംഹാസനം പോലും വിറച്ചേക്കാം. വീണ്ടും പഴയപടിയാകില്ലെങ്കിലും ഞങ്ങള്‍ അര്‍ഥം തേടുകയാണ്. ആകെ തകർന്ന ഈ സാഹചര്യത്തിലൂടെ കടന്നുപോകുമ്പോഴും ഞങ്ങളുടെ സ്വകാര്യത മാനിച്ചതിനും നിങ്ങള്‍ കാണിച്ച ദയയ്ക്കും സുഹൃത്തുക്കളോട് നന്ദി രേഖപ്പെടുത്തുന്നു’ എന്നായിരുന്നു റഹ്മാന്റെ കുറിപ്പ്.
നേരത്തെ മകൾ ഖദീജ റഹ്മാന്റെ സിനിമാസംഗീതരംഗത്തെ അരങ്ങേറ്റത്തെക്കുറിച്ചു വാചാലനായി എ.ആർ.റഹ്മാൻ രംഗത്ത് വന്നിരുന്നു . മകളെ അധിക്ഷേപിക്കുന്നവർക്കും പരിഹസിക്കുന്നവർക്കുമുള്ള മറുപടിയാണ് ഈ പുതിയ തുടക്കമെന്ന് റഹ്മാൻ പറഞ്ഞു. ഹലിത ഷമീം സംവിധാനം ചെയ്യുന്ന ‘മിൻമിനി’ എന്ന ചിത്രത്തിനു സംഗീതമൊരുക്കിയാണ് ഖദീജ സിനിമാരംഗത്തു തുടക്കം കുറിച്ചത്.
