അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു വീട് എന്നത് ഏതൊരാളുടെയും സ്വപ്‌നാമാണ്. വീട് പണിയാന്‍ പണം കയ്യിലുണ്ടെങ്കില്‍ പിന്നെയൊന്നും നോക്കേണ്ട എന്ന ചിന്ത ഇപ്പോഴത്തെകാലത്ത് ഉണ്ട്. എന്നാല്‍ അങ്ങനെയല്ല, വീട് പണിയുമ്പോള്‍ അതിനുവേണ്ടുന്ന ഓരോ സാധനവും എവിടെയാണ് വയ്‌ക്കേണ്ടത് എന്ന് കൂടി മനസ്സില്‍ വേണം.
വീട് പണിയുമ്പോഴുള്ള വാതിലുകളും ജനലുകളും കേവലം അടച്ചുറപ്പിനോ ആളുകള്‍ക്ക് പ്രവേശിക്കാനോ ഉള്ള ഭാഗങ്ങള്‍ മാത്രമല്ല, മറിച്ച് പോസിറ്റീവ് എനര്‍ജി വീട്ടിലേക്ക് പ്രധാനം ചെയ്യുന്ന കവാടങ്ങള്‍ കൂടിയാണിവ. ഒരു ജാലകം തെറ്റായ ദിശയില്‍ തെറ്റായി രൂപകല്‍പ്പന ചെയ്തിട്ടുണ്ടെങ്കില്‍, അത് നെഗറ്റീവ് എനര്‍ജികള്‍ കടക്കാനും താമസക്കാര്‍ക്ക് ദുരിതമുണ്ടാക്കാനും വഴിയൊരുക്കും.
അതേസമയം, വാതിലുകളും ജനലുകളും ശരിയായ ദിശയിലാണ് നിര്‍മ്മിച്ചതെങ്കില്‍ വീട്ടില്‍ അഭിവൃദ്ധിയും ഭാഗ്യവും കൈവരുന്നു. വീടിന്റെ ജനാലകളും വാതിലുകളും സ്ഥാപിക്കുമ്പോള്‍ അറിഞ്ഞിരിക്കേണ്ട ചില പ്രധാനപ്പെട്ട വാസ്തു രീതികളില്‍ ഒന്ന് കിഴക്ക്, പടിഞ്ഞാറ് അല്ലെങ്കില്‍ വടക്ക് അഭിമുഖമായി ഒരു പ്രവേശന കവാടം ശുഭമായി കണക്കാക്കപ്പെടുന്നു.
തെക്ക് അല്ലെങ്കില്‍ തെക്ക്പടിഞ്ഞാറ് കോണുകള്‍ക്ക് അഭിമുഖമായി വാതിലുകളോ ജനാലകളോ നിര്‍മ്മിക്കുന്നത് ഒഴിവാക്കുന്നതാണ് നല്ലത്. വാതിലുകളും ജനാലകളും 2, 4, 6, 8 മുതലായ സംഖ്യകളിലായിരിക്കണം, എന്നാല്‍ 10ന്റെയും 8ന്റെയും ഗുണിതങ്ങള്‍ ആയിരിക്കരുത്. 12,14,18,20 എന്നിവ കുഴപ്പമില്ല.
ഒരു വീടിന്റെ പ്രധാന വാതില്‍ വീട്ടിലെ മറ്റേതൊരു വാതിലിനേക്കാളും വലുതായിരിക്കണം. ഇത് രണ്ട് പാളിയുള്ളത് ആകുന്നതാണ് ഉത്തമം. പ്രധാന കവാടത്തിന് മുന്നില്‍ ചെടികള്‍, മരങ്ങള്‍, പ്രതിമകള്‍, തൂണുകള്‍ തുടങ്ങിയ തടസ്സങ്ങള്‍ ഒഴിവാക്കുക. ഇവ പോസിറ്റീവ് എനര്‍ജിയുടെ ഒഴുക്കിനെ നിയന്ത്രിക്കുന്നു. ക്ഷേത്രത്തിന് എതിര്‍വശത്തായി വീട് വയ്ക്കാന്‍ പാടില്ല.
നിങ്ങളുടെ വാതിലുകളും ജനലുകളും ഒരേ മെറ്റീരിയല്‍ ഉപയോഗിച്ചാണ് നിര്‍മ്മിച്ചിരിക്കുന്നതെന്ന് ഉറപ്പാക്കുക. തേക്ക് മരമാണ് നല്ലത്, അത് ഭാഗ്യം കൊണ്ടുവരുമെന്ന് കണക്കാക്കപ്പെടുന്നു. പരസ്പരം അഭിമുഖീകരിക്കുന്ന രണ്ട് വീടുകള്‍ അവയുടെ പ്രധാന കവാടങ്ങള്‍ പരസ്പരം പുറത്തേക്ക് തുറക്കരുത്. വാതിലുകളുടെ ഉയരവും വീതിയും കണക്കിലെടുക്കുമ്പോള്‍ അതിന്റെ വലുപ്പം 2: 1 അനുപാതത്തില്‍ ആയിരിക്കണം. വാതിലുകള്‍ ഒരിക്കലും ഒരു ചുവരിന്റെ മധ്യത്തില്‍ സ്ഥാപിക്കരുത്.
