‘പുഷ്പ 2’ല്‍ തെലുങ്കിലെ ഡാൻസിങ് ക്വീൻ ശ്രീലീലയുടെ ഐറ്റം നമ്പർ യൂട്യൂബിൽ തരംഗമാകുന്നു. ‘കിസിക്’ എന്നു പേരിട്ടിരിക്കുന്ന പാട്ട് പുറത്തിറങ്ങി മണിക്കൂറുകൾക്കകം 2 കോടിയിലേറെ പ്രേക്ഷകരുടെ ശ്രദ്ധനേടി. മികച്ച പ്രതികരണങ്ങൾ നേടിയ പാട്ട് ട്രെൻഡിങ്ങിലും ഇടം പിടിച്ചു. പാട്ടിലെ ശ്രീലലയുടെ പ്രകടനമാണ് ഏറെ ചർച്ചയാകുന്നത്. ദേവി ശ്രീ പ്രസാദ് ആണ് കിസിക്കിന് ഈണമൊരുക്കിയത്. സുഭലഷിണി ഗാനം ആലപിച്ചു. പാട്ടിന്റെ ലിറിക്കൽ വിഡിയോ ആണ് അണിയറപ്രവർത്തകർ പുറത്തിറക്കിയത്.
വിഡിയോ പതിപ്പിനു വേണ്ടി കാത്തിരിക്കുകയാണ് ആരാധകർ. ‘പുഷ്പ’യിലെ ഹോട്ട് നമ്പറിനായി ശ്രീലീല 3 കോടിയാണ് പ്രതിഫലമായി വാങ്ങുന്നത്. ‘പുഷ്പ’ ഒന്നാം ഭാഗത്തിൽ നടി സമാന്തയാണ് ഐറ്റം ഡാൻസുമായി എത്തിയത്. ‘ഊ അന്തവാ…’ എന്ന ഹോട്ട് നമ്പർ ഇന്നും പ്രേക്ഷകർക്ക് പ്രിയപ്പെട്ടതാണ്.
STORY HIGHLIGHT: kissik lyrical video from the movie pushpa 2 the rule