അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.“ശോഭ എന്ത് ജോലി ചെയ്യണം എന്ന് അവര് തീരുമാനമെടുക്കാറുണ്ട്, ആ പണി വളരെ നല്ല രീതിയിൽ ചെയ്തുതീർത്തു എന്ന് ആത്മവിശ്വാസമുള്ള ഒരു സാധാരണക്കാരിയാണ് ഞാൻ. കൂടാതെ എൻറെ മനസ്സിൽ ഇപ്പോഴുള്ള ഒരു ചിന്ത എന്നു പറയുന്നത് അടുത്ത തെരഞ്ഞെടുപ്പാണ്. കോൺഗ്രസിന്റെ യുഡിഎഫിന്റെ, ശ്രീമാൻ ബി ഡി സതീശന്റെ ഒരു വെല്ലുവിളി ഭാരതീയ ജനത പാർട്ടി ശക്തമായിട്ട് ഏറ്റെടുക്കുകയാണ്. പാലക്കാട് മുനിസിപ്പാലിറ്റിയിൽ പന്തയം വയ്ക്കാം ഒരു സീറ്റ് മുനിസിപ്പൽ കൗൺസിലറായി അധികമുണ്ടാക്കാൻ സാധിക്കുമോ? അത് വെല്ലുവിളിയായിട്ട് ഏറ്റെടുക്കാൻ ഭാരതീയ ജനതാ പാർട്ടി തയ്യാറാണ്.
മറ്റൊന്നും കൂടി പറയാനുള്ളത് ഞങ്ങളെ സംബന്ധിച്ച് എന്നെ സംബന്ധിച്ച് ഞാൻ അടിവരയിട്ടു കൊണ്ട് പറയുകയാണ്, അടുത്ത പഞ്ചായത്ത് മുൻസിപ്പൽ കോർപ്പറേഷൻ തെരഞ്ഞെടുപ്പിൽ മാധ്യമ സുഹൃത്തുക്കളുടെ മുന്നിലാണ് പറയുന്നത്, തിരുവനന്തപുരവും തൃശ്ശൂരും ഉൾപ്പെടെയുള്ള കോർപ്പറേഷനുകൾ ഞങ്ങൾ ഭരിക്കും. കൂടാതെ 50 ശതമാനം വരുന്ന റിസർവേഷൻ എൻറെ സഹോദരിമാരായിട്ടുള്ള സ്ത്രീകൾ അവരെ പോലെയുള്ള ആളുകൾ ആണല്ലോ സുരേന്ദ്രനെ സൃഷ്ടിച്ചിട്ടുള്ളത്.
ഞങ്ങളെ അടിത്തട്ടിൽ നിന്നുകൊണ്ട് പണിയെടുത്ത് പശ കുറുക്കി പോസ്റ്റർ ഒട്ടിച്ച് ഈ പ്രസ്ഥാനത്തെ വളർത്താൻ വേണ്ടി ഞങ്ങളെ വളർത്താൻ താഴെനിന്ന് മുദ്രാവാക്യം വിളിച്ചിട്ടുള്ള പാവപ്പെട്ട പ്രവർത്തകന്മാർ അവരിൽ നിന്നുള്ളവരെ മുൻസിപ്പൽ ചെയർമാൻ ആയിട്ടും മുൻസിപ്പാലിറ്റിയിലെ കൗൺസിലർമാരായിട്ടും പഞ്ചായത്ത് പ്രസിഡണ്ട്മാർ ആയിട്ടും പഞ്ചായത്തും മെമ്പർമാർ ആയിട്ടും ഒക്കെ ഇരുത്താനുള്ള ഒരു തെരഞ്ഞെടുപ്പ് വരാൻ പോവുകയാണ്, അതിന് 100% പ്രവർത്തിക്കാൻ പാർട്ടി സജ്ജമാണ് എന്നുള്ളതാണ്. ആ പണിയാണ് ഇനി വരാൻ പോകുന്നത് ഇത് മാത്രമേ എന്റെ തലയ്ക്കകത്തൊള്ളൂ.
പാലക്കാട് കൗൺസിലർ പലരും പരസ്യമായിട്ട് അതൃപ്തി പ്രകടിപ്പിക്കുന്നുണ്ട്?
ഈ പോസ്റ്റാണെങ്കിലും വാർത്തകൾ ആണെങ്കിലും ആധികാരികത ഇല്ലാത്ത കാര്യങ്ങളാണ്. കാരണം, പോസ്റ്റ് ഒട്ടിക്കാൻ അർദ്ധരാത്രിയിലെ പോസ്റ്റ് ഒട്ടിക്കാൻ ആർക്കുവേണമെങ്കിലും സാധിക്കും. അതിനെക്കുറിച്ചൊക്കെ ഇപ്പോൾ മാധ്യമ സുഹൃത്തുക്കൾ നിസ്സാരക്കാർ എന്നല്ലല്ലോ, നിങ്ങൾക്ക് അറിയാം ഈ കിട്ടുന്ന വാർത്തകളിൽ ഏതൊക്കെയാണ് യാഥാർത്ഥ്യം ഏതൊക്കെയാണ് യാഥാർത്ഥ്യമല്ലാത്തത്. ഇന്നലെ തന്നെ ഭാരതീയ ജനതാ പാർട്ടിയുടെ സംസ്ഥാന കമ്മിറ്റി ഓഫീസിൽ നിന്ന് സംസ്ഥാന അധ്യക്ഷൻ തന്നത് പോലെയാണ് ഒരു വാർത്ത ബ്രേക്കിംഗ് ന്യൂസ് ആയിട്ട് എല്ലാം മാധ്യമങ്ങളും പ്രസിദ്ധീകരിച്ചു കണ്ടത്.
അതിനുശേഷം അദ്ദേഹം പത്രസമ്മേളനം നടത്തിയപ്പോൾ വ്യക്തിപരമായിട്ട് എൻറെ പേര് എടുത്തു കൊണ്ട് ഏതൊരു മാധ്യമം ചോദിക്കുകയുണ്ടായി, അപ്പോൾ പറഞ്ഞു ആ സ്ത്രീ പാവം അവരെ പറഞ്ഞ പണിയെല്ലാം ചെയ്തിട്ടുണ്ട് ജോലിയെല്ലാം ചെയ്തിട്ടുണ്ട് എന്ന് സംസ്ഥാന അധ്യക്ഷൻ പറഞ്ഞതിനുശേഷവും അതേ വാർത്ത തുടരുകയല്ലേ, എനിക്ക് അതിലൊക്കെ സന്തോഷമേയുള്ളൂ. എന്താ കാരണം എന്നറിയില്ല ഞാൻ ഇത്രയും വലിയ ഒരാളായിട്ട് നിങ്ങളെല്ലാവരും കണക്കാക്കുന്നുണ്ടല്ലോ എന്നുള്ളതിൽ എനിക്ക് വളരെ വളരെ സന്തോഷം”. ശോഭ സുരേന്ദ്രൻ പറഞ്ഞു
