സോഷ്യൽ മീഡിയയിൽ മീനാക്ഷി ദിലീപ് പങ്കുവെച്ച ചിത്രങ്ങൾ ഏറ്റെടുത്തിരിക്കുകയാണ് ആരാധകർ. സാരിയുടുത്ത് സുന്ദരിയായി ഒരുങ്ങി നിൽക്കുന്ന ചിത്രങ്ങളാണ് മീനാക്ഷി പങ്കുവെച്ചിരിക്കുന്നത്. അമ്മ മഞ്ജു വാര്യരുടെ അതേ മുഖച്ഛായ എന്നാണ് പല ആരാധകരുടെയും കമന്റുകൾ. സുന്ദരിയെന്നും ദിലീപേട്ടന്റെ മാലാഖ എന്നും തുടങ്ങി നിരവധി കമന്റുകളാണ് ഫോട്ടോയ്ക്ക് താഴെ വന്നിരിക്കുന്നത്. സിനിമയിൽ അഭിനയിക്കാതെ തന്നെ താരമാണ് മീനാക്ഷി. നിരവധി ആരാധകരും മീനാക്ഷിക്കുണ്ട്. താരപുത്രിക്കായി നിരവധി ഫാൻസ്‌ പേജുകളും സോഷ്യൽ മീഡിയയിലുണ്ട്.
അടുത്തിടെയായി കാവ്യാ മാധവന്റെ ഉടമസ്ഥതയിലുള്ള വസ്ത്രവ്യാപാര സ്ഥാപനമായ ലക്ഷ്യ ബ്രാന്‍റിന്‍റെ മോഡലായും മീനാക്ഷി മാറിയിരുന്നു. അതുമായി ബന്ധപ്പെട്ട ചിത്രങ്ങളും ആരാധകര്‍ക്കായി മീനാക്ഷി പങ്കുവച്ചിരുന്നു. മീനാക്ഷി ചിത്രങ്ങള്‍ പങ്കുവയ്ക്കുമ്പോഴൊക്കെ അമ്മ മഞ്ജുവാര്യര്‍ മീനാക്ഷിയുടെ ചിത്രങ്ങള്‍ക്ക് ലൈക്ക് ചെയ്തോ എന്ന് പലരും തിരയാറുണ്ട്. മഞ്ജു വാര്യരും ദിലീപും വേർപിരിഞ്ഞിട്ട് വർഷങ്ങളായെങ്കിലും ഇരുവരുടെയും ജീവിതത്തിൽ നടക്കുന്നതെന്താണെന്ന് ആരാധകർ ഇടയ്ക്കിടെ എത്തി നോക്കാറുണ്ട്. മഞ്ജു വാര്യരുമായുള്ള ബന്ധം വേർപ്പെടുത്തിയശേഷം ദിലീപിനൊപ്പമാണ് മകൾ മീനാക്ഷി. അതിൽ ഇന്നും ആരാധകർക്കുള്ള ഒരു സംശയം എന്തുകൊണ്ട് മീനാക്ഷി മഞ്ജുവിനൊപ്പം പോയില്ല എന്നതാണ്. സംശയം ബാക്കി നിൽക്കുന്നതുകൊണ്ടുതന്നെ മഞ്ജു-മീനാക്ഷി ബന്ധത്തിൽ ആരാധകർക്ക് ക്യൂരിയോസിറ്റി അല്പം കൂടുതലാണ്. ഡാൻസിൽ മഞ്ജുവിനെ പോലെ തന്നെ താൽപ്പര്യമുള്ള മീനാക്ഷി ഇടയ്ക്ക് സമൂഹമാധ്യമങ്ങളിൽ തന്റെ ഡാൻസ് വീഡിയോകളും പങ്കുവയ്ക്കാറുണ്ട്. ചെന്നൈയിലായിരുന്നു മീനാക്ഷിയുടെ മെഡിക്കല്‍ വിദ്യാഭ്യാസം. ഡെര്‍മറ്റോളജിയില്‍ കൂടുതല്‍ ശ്രദ്ധ നല്‍കാനാണ് മീനാക്ഷിയുടെ ആഗ്രഹം. മീനാക്ഷി ബിരുദം സ്വീകരിക്കുന്ന ചടങ്ങില്‍ ദിലീപും കാവ്യമാധവനും ഒപ്പം ഉണ്ടായിരുന്നു.