അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ജോജു ജോർജ് ആദ്യമായി സംവിധാനം ചെയ്ത ചിത്രമായ പണി കന്നഡയിലേക്കും എത്താൻ ഒരുങ്ങുന്നു. ഒക്ടോബര്‍ 24 ന് ആയിരുന്നു ചിത്രത്തിന്റെ റിലീസ്. മികച്ച പ്രേക്ഷകപ്രീതിയും ബോക്സ് ഓഫീസ് വിജയവുമാണ് ചിത്രം നേടിയത്. മലയാളത്തിലെ വിജയത്തിന് പിന്നാലെ ചിത്രത്തിന്റെ തമിഴ് പതിപ്പും പുറത്തെത്തിയിരുന്നു. ഇപ്പോഴിതാ ചിത്രത്തിന്റെ കന്നഡ ട്രെയ്‍ലറും പുറത്തുവിട്ടിരിക്കുകയാണ് അണിയറപ്രവർത്തകർ.
മാസ്, ത്രില്ലർ, റിവഞ്ച് ജോണറിൽ ഒരുക്കിയിരിക്കുന്ന ചിത്രത്തിൽ സംവിധാനത്തിനൊപ്പം ജോജു ജോർജ് തന്നെയാണ് പണിയിൽ കേന്ദ്ര കഥാപാത്രത്തെ അവതരിപ്പിച്ചിരിക്കുന്നതും. സാഗർ സൂര്യ, ജുനൈസ് വിപി എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. അഭിനയ ആണ് ചിത്രത്തിൽ നായികയായി എത്തിയത്. ഗായിക അഭയ ഹിരൺമയിയും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിച്ചിട്ടുണ്ട്. 110 ദിവസത്തോളം നീണ്ടുനിന്ന് ബിഗ് ബജറ്റിലാണ് ഒരുക്കിയിരുന്നത്.
ജോജുവിന്റെ പ്രൊഡക്ഷൻ കമ്പനിയായ അപ്പു പാത്തു പപ്പു പ്രൊഡക്ഷൻസിന്റേയും എഡി സ്റ്റുഡിയോസിന്റേയും ശ്രീ ഗോകുലം മൂവീസിന്റെയും ബാനറിൽ എം റിയാസ് ആദം, സിജോ വടക്കൻ എന്നിവരാണ് ചിത്രം നിർമിച്ചിരിക്കുന്നത്.
STORY HIGHLIGHT: pani kannada movie trailer
