അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഐശ്വര്യറായുടെ സഹോദരൻ ആദിത്യ റായിയുടെ ഭാര്യയാണ് ശ്രീമ റായി. അടുത്തിടെ ആദിത്യറായിയ്ക്കും മക്കൾക്കും അമ്മായിയമ്മ ബ്രിന്ദ റായിക്കുമൊപ്പമുള്ള ഫാമിലി ഫോട്ടോ ശ്രീമ ഇൻസ്റ്റഗ്രാമിൽ പോസ്റ്റ് ചെയ്തിരുന്നു. എന്നാൽ, ഐശ്വര്യയ്ക്കും ആരാധ്യ ബച്ചനുമൊപ്പമുള്ള ചിത്രങ്ങളൊന്നും എന്തുകൊണ്ട് ശ്രീമ ഇൻസ്റ്റഗ്രാം അക്കൗണ്ടിൽ പങ്കിടുന്നില്ല എന്ന രീതിയിൽ ചോദ്യങ്ങളും ട്രോളുകളും ഉയർന്ന് വന്നിരുന്നു.
ഇപ്പോഴിതാ, തനിക്കെതിരെ ഉയരുന്ന ട്രോളുകൾക്കും കമന്റുകൾക്കും മറുപടി നൽകി എത്തിയിരിക്കുകയാണ് ശ്രീമ. ‘വസ്തുതകൾ’ എന്ന തലക്കെട്ടോടെയാണ് ശ്രീമ കുറിപ്പ് പങ്കുവച്ചത്. ‘എൻ്റെ ജന്മദിനം നവംബർ 21 ആയിരുന്നു, പതിവുപോലെ പൂക്കൾ അയച്ചു. ഞാൻ എല്ലാവർക്കും നന്ദി പറഞ്ഞു. ഞാൻ ഒരു ബ്ലോഗർ/ കണ്ടന്റ് ക്രിയേറ്റർ ആകുന്നതിന് മുമ്പ് വർഷങ്ങളോളം വെൽത്ത് മാനേജ്‌മെൻ്റിൽ ബാങ്കറായിരുന്നു. 2009-ലെ ഗ്ലാഡ്രാഗ്സ് മിസിസ്സ് ഇന്ത്യ ഗ്ലോബ് കൂടിയാണ് ഞാൻ. 2017-ന് ശേഷം ഞാൻ ബ്ലോഗിംഗിലേക്ക് മാറി. ഞാൻ ആരുടെയും പേരിൽ ഒരു ബിസിനസ്സ് തുറക്കാൻ ശ്രമിച്ചിട്ടില്ല. വസ്തുതകൾ ആയതിനാൽ ഞാൻ കാര്യങ്ങൾ വ്യക്തമാക്കുകയാണ്. വർഷങ്ങളെടുത്ത് ഒരു കണ്ടന്റ് ക്രിയേറ്റർ എന്ന നിലയിൽ ഞാനൊരു സ്വതന്ത്ര കരിയർ കെട്ടിപ്പടുത്തിട്ടുണ്ട്. ഒരു സ്ത്രീ എന്ന നിലയിലുള്ള എന്റെ ആ വസ്‌തുതയെ പൊളിച്ചെഴുതാൻ ശ്രമിക്കുന്നത് ആരുടെയോ മോശം അഭിരുചിയാണെന്ന് ഞാൻ കാണുന്നു. എൻ്റെ പേര് ഉൾപ്പെടുമ്പോൾ വസ്തുതകൾ വ്യക്തമാകേണ്ടത് ഒരു അമ്മയെന്ന നിലയിൽ എനിക്ക് വളരെ പ്രധാനമാണ്.’ ശ്രീമ കുറിച്ചു.
View this post on Instagram
അടുത്തിടെ ‘ശ്രീമ ഐശ്വര്യയുടെയോ ആരാധ്യയുടെയോ ഒരു ചിത്രം പോലും പങ്കിടുന്നില്ല,’ എന്നുള്ള കമെന്റുകൾ ശക്തമായിരുന്നു. ഒരാളുടെ കമെന്റിന് ശ്രീമ ‘ഐശ്വര്യയുടെ എല്ലാ ചിത്രങ്ങളും കണ്ടെത്താൻ നിങ്ങൾക്ക് അവരുടെ പേജിലേക്ക് പോകാം, അവിടെ നിങ്ങൾക്ക് അവരുടെ ഫോട്ടോകൾ മാത്രമേ കാണാനാകൂ, ഞങ്ങളിൽ ഒരാളെപ്പോലും കാണില്ല. അത് നിങ്ങളെ തൃപ്തിപ്പെടുത്തും. ‘ എന്ന് മറുപടി നൽകി.
എന്നാൽ ഇതോടെ ഇരുവരും തമ്മിലുള്ള ബന്ധം അത്ര രസമല്ല എന്നാണ് അഭ്യൂഹങ്ങൾ ഉയരുന്നത്. അമ്മ ബൃന്ദയുമായി ഐശ്വര്യ വളരെ അടുപ്പത്തിലാണ്. അമ്മയ്ക്ക് ഒപ്പമുള്ള ചിത്രങ്ങൾ ഐശ്വര്യ ഇടയ്ക്ക് പങ്കുവെക്കാറുണ്ട്.
STORY HIGHLIGHT: aishwarya rais sister in law shrima
