ഗൗരി ലക്ഷ്മി പാടിയ ‘ദേശക്കാരൻ’ എന്ന സിനിമയിലെ ആദ്യ ലിറിക്കൽ വീഡിയോ ഗാനം പുറത്തിറങ്ങി. തിറയാട്ടം പശ്ചാത്തലമായി ഒരുങ്ങുന്ന ചിത്രമാണ് “ദേശക്കാരൻ”. ചിത്രത്തിൽ 18 തിറയാട്ട കോലങ്ങൾ അവതരിപ്പിക്കുന്നുണ്ട്. തിറയാട്ടവും തെയ്യവും പൂർണ്ണമായും പശ്ചാത്തലത്തിൽ വരുന്ന ആദ്യ മലയാള ചിത്രം കൂടിയാണ് ദേശക്കാരൻ. ചിത്രത്തിലെ “കോലം വരുന്നുണ്ടേ” എന്നാരംഭിക്കുന്ന ഗാനത്തിന്റെ ലിറിക്കൽ വീഡിയോയാണ് ഇപ്പോൾ പുറത്തിറങ്ങിയിരിക്കുന്നത്.
ഡോ.അജയ്കുമാർ കഥയും തിരക്കഥയും ഒരുക്കി സംവിധാനം ചെയ്ത് പ്രധാന വേഷത്തിൽ എത്തുന്ന ചിത്രത്തിന്റെ നിർമ്മാണം തവരക്കാട്ടിൽ പിക്ചേഴ്സ് ബാനറിൽ അനിൽ ബാബുവാണ്. സഹനിർമ്മാതാവ്: ഡോ.ഹസീന ചോക്കിയിൽ. ടി.ജി രവി ,വിജയൻ കാരന്തൂർ, ചെമ്പിൽ അശോകൻ, ശ്രീജിത്ത് കൈവേലി, ഗോപിക അനിൽ, പ്രിയ ശ്രീജിത്ത്, രമാ ദേവി, മാസ്റ്റർ അസ്വൻ ആനന്ദ് എന്നിവരും പ്രധാന വേഷങ്ങളിൽ എത്തുന്നു.
ഗാനത്തിന്റെ സംഗീതം, സംവിധാനം, നിർമ്മാണം: നിഖിൽ പ്രഭ. വരികൾ ഡോ.അജയ്കുമാർ ബാബുവിന്റേതാണ്. ചിത്രത്തിന്റെ ക്യാമറ: യെദു രാധാകൃഷ്ണൻ. എഡിറ്റർ: ബാബു രത്നം. പശ്ചാത്തല സംഗീതം: നന്ദു കർത്ത.
STORY HIGHLIGHT: kolam varunnunde lyrical video