കേരള ക്രൈം ഫയല്‍സ്, മാസ്റ്റര്‍പീസ്, 1000 ബേബീസ് എന്നിവയ്ക്കുശേഷം പുതിയ വെബ് സീരീസ് പ്രഖ്യാപിച്ച് ഡിസ്നി പ്ലസ് ഹോട്ട്സ്റ്റാര്‍. ഡിസ്നി ഹോട്ട് സ്റ്റാറിന് വേണ്ടി മൂവി മില്ലിന്റെ ബാനറില്‍ കൃഷ്ണന്‍ സേതുകുമാറാണ് ഫാര്‍മ നിര്‍മിച്ചിരിക്കുന്നത്. ഫാര്‍മ എന്ന് പേരിട്ടിരിക്കുന്ന സീരിസില്‍ നായകനായി എത്തുന്നത് മലയാളികളുടെ പ്രിയ താരം നിവിന്‍ പോളിയാണ്. ഉണ്ട, ജെയിംസ് ആന്‍ഡ് അലീസ്, ഇവിടെ, പോക്കിരി സൈമണ്‍, ബൈസിക്കല്‍ തീവ്‌സ്, എന്നീ ചിത്രങ്ങള്‍ നിര്‍മിച്ചിട്ടുള്ള കൃഷ്ണന്‍ സേതുകുമാറിന്റെ ഡിസ്നി പ്ലസ് ഹോട്ട്സ്റ്റാറിന് വേണ്ടിയുള്ള പ്രൊജക്റ്റ് ഉടന്‍ തന്നെ സ്ട്രീമിങ് ആരംഭിക്കുകയും ചെയ്യും. 1000 ബേബീസിന് ശേഷമെത്തുന്ന മലയാളത്തിലെ ഡിസ്നി പ്ലസ് ഹോട്ട്സ്റ്റാറിന്റെ വെബ് സിരീസാണിത്.
നവംബര്‍ 27 ന് നടന്ന ഐഎഫ്എഫ്‌ഐയുടെ 55-ആം എഡിഷനില്‍ ഫാര്‍മ വെബ് സീരിസിന്റെ വേള്‍ഡ് സ്ട്രീമിങില്‍ അഭിനേതാക്കളായ നരേന്‍, ശ്രുതി രാമചന്ദ്രന്‍, രജിത് കപൂര്‍, ആലേഖ് കപൂര്‍, വീണ നന്ദകുമാര്‍, മുത്തുമണി തുടങ്ങിയവരും വെബ് സീരിസിലെ ടെക്നിഷ്യന്മാരും റെഡ് കാര്‍പ്പറ്റില്‍ പങ്കെടുത്തു. കഥയിലെ പുതുമ നിറഞ്ഞ ആവിഷ്‌കാരം കൊണ്ടും ടെക്നിക്കല്‍ സൈഡിലെ മികവ് കൊണ്ട് സീരീസ് iffi മേളയില്‍ മികച്ച അഭിപ്രായമാണ് ഫാര്‍മക്ക് ലഭിച്ചത്. ഒരു സാധാരണ സെയില്‍സ്മാന്റെ ജീവിതത്തിലൂടെയാണ് ഫാര്‍മയുടെ കഥ വികസിക്കുന്നത്. നിവിന്‍ പോളി നായകനാകുന്ന ആദ്യ വെബ് സീരീസ് കൂടിയാണ് ഫാര്‍മ. നിവിന്‍ പൊളിയുടെ ഒരു മികച്ച പ്രകടനമാണ് ഫാര്‍മയിലൂടെ പ്രേക്ഷകര്‍ കണ്ടത്. 55-മത് ഗോവ ദേശീയ ചലച്ചിത്രോത്സവത്തില്‍ മികച്ച നിരൂപക പ്രശംസ നേടാന്‍ ഫാര്‍മ എന്ന വെബ്‌സീരിസിനായി.
ഫൈനല്‍സ് എന്ന ചിത്രമൊരുക്കിയ പി.ആര്‍. അരുണ്‍ ആണ് ഫാര്‍മ വെബ് സീരീസ് സംവിധാനം ചെയ്തത്. നൂറോളം കഥകളില്‍ നിന്ന് പ്രചോദനം ഉള്‍ക്കൊണ്ടാണ് ഫാര്‍മയിലേക്കെത്തിയേതെന്ന് സംവിധായകന്‍ പി.ആര്‍. അരുണ്‍ മുന്‍പ് പറഞ്ഞിട്ടുണ്ട്. അതുകൊണ്ട് തന്നെ ഈ വെബ് സീരിസ് തന്റെ ഹൃദയത്തോട് ചേര്‍ന്നിരിക്കുന്നുവെന്നും സംവിധായകന്‍ കൂട്ടിച്ചേര്‍ത്തു.നിവിന്‍ പോളിക്ക് പുറമെ രജിത് കപൂര്‍,ആലേഖ് കപൂര്‍, നരേന്‍, ബിനു പപ്പു, ശ്രുതി രാമചന്ദ്രന്‍, വീണ നന്ദകുമാര്‍, മുത്തുമണി എന്നിങ്ങനെ വലിയ താരനിര തന്നെയുണ്ട് സീരിസില്‍. അഭിനന്ദന്‍ രാമാനുജം ഛായാഗ്രഹണം നിര്‍വഹിക്കുന്ന സിരീസിന് സംഗീതം പകരുന്നത് ജേക്‌സ് ബിജോയ് ആണ്. എഡിറ്റിങ് ശ്രീജിത് സാരംഗ്, മേക്ക് അപ്പ്, സുധി കട്ടപ്പന ചീഫ് അസ്സോസിയേറ് ഡയറക്ടര്‍, സാഗര്‍ കാസ്റ്റിങ് വിവേക് അനിരുദ്ധ്. കൊച്ചി, തൃശൂര്‍, പാലക്കാട്, ഒറ്റപ്പാലം, ഹൈദരാബാദ്, മുംബൈ, ഡല്‍ഹി, അമൃത്‌സര്‍ എന്നിവയായിരുന്നു വെബ് സീരിസിന്റെ പ്രധാന ലൊക്കേഷനുകള്‍.