അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മോഹന്‍ലാലുമായുള്ള സിനിമ അനുഭവം പങ്കുവെച്ച് ഹരിശ്രീ അശോകന്‍. സിനിമയില്‍ ലാലേട്ടന് പറഞ്ഞുതന്ന താര്യങ്ങളെ കുറിച്ചാണ് ഹരിശ്രീ അശോകന്‍ മനസ് തുറന്നത്. ബാലേട്ടന്‍ എന്ന സിനിമയിലെ അനുഭവമാണ് അദ്ദേഹം പങ്കുവെച്ചത്. ബാലേട്ടന്‍ എന്ന സിനിമയില്‍ ഞാനും ലാലേട്ടനും തമ്മില്‍ ഒരുപാട് സീനുണ്ടായിരുന്നു. ആ സമയത്ത് പുള്ളി നമുക്ക് ഓരോ കാര്യം സജസ്റ്റ് ചെയ്യുമെന്നും അതൊക്കെ നല്ല ഇംപാക്ട് ഉണ്ടാക്കിയിരുന്നുവെന്നും ഹരിശ്രീ അശോകന്‍ പറഞ്ഞു.
‘ബാലേട്ടന്‍ എന്ന സിനിമയില്‍ ഞാനും ലാലേട്ടനും തമ്മില്‍ ഒരുപാട് സീനുണ്ടായിരുന്നു. ആ സമയത്ത് പുള്ളി നമുക്ക് ഓരോ കാര്യം സജസ്റ്റ് ചെയ്യും. അതൊക്കെ നല്ല ഇംപാക്ട് ഉണ്ടാക്കിയിരുന്നു. ആ പടത്തില്‍ ആല്‍ത്തറയില്‍ വെച്ച് നാട്ടകാര്‍ ലാലേട്ടനോട് സംസാരിക്കുന്ന സീനുണ്ട്. ആ സീന്‍ എടുക്കുന്നതിന് മുമ്പ് ലാലേട്ടന് എന്റെയടുത്ത് വന്ന് ‘ഞാന്‍ ചെയ്യുന്ന കാര്യങ്ങളെല്ലാം നീയും ചെയ്തോണം’ എന്ന് പറഞ്ഞു. എനിക്ക് എന്താണെന്ന് പിടി കിട്ടിയില്ല.
പുള്ളി ആ സീനില്‍ മുണ്ട് മുറുക്കിയുടുക്കുന്നുണ്ട്, അത് മടക്കിക്കുത്തുന്നു, ഷര്‍ട്ടിന്റെ കൈ തെറുത്തുകയറ്റുന്നു. ഇതൊക്കെ ഞാനും ചെയ്യുന്നുണ്ട്. പക്ഷേ, ലാലേട്ടന് എന്തിനാണ് അങ്ങനെ പറഞ്ഞതെന്ന് എനിക്ക് മനസിലായില്ല. തിയേറ്ററില്‍ ആളുകളഉടെ കൂടെയിരുന്ന് പടം കണ്ടപ്പോള്‍ ആ സീനിന് എല്ലാവരും ചിരിക്കുകയായിരുന്നു. ലാലേട്ടന് കോമഡി ഐറ്റംസ് എങ്ങനെ വര്‍ക്കാകുമെന്ന് അറിയാം,’ ഹരിശ്രീ അശോകന്‍ പറഞ്ഞു.
