അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.‘പുഷ്പ 2: ദ റൂൾ’ ചിത്രം പോലെ തന്നെ ചിത്രത്തിലെ ഗാനങ്ങളും ട്രെൻഡിങ് ആണ്. ആദ്യ ഭാഗത്തിൽ ‘ശ്രീവല്ലി’ ഗാനവും അല്ലുവിന്റെ നൃത്തച്ചുവടുകളുമായിരുന്നു ശ്രദ്ധ നേടിയിരുന്നത് എങ്കിൽ രണ്ടാം ഭാഗത്തിൽ സോഷ്യൽ മീഡിയയെ ഇളക്കിമറിച്ചത് ‘പീലിങ്സ്’ ഗാനമാണ്. ഇപ്പോൾ ‘പീലിങ്സ്’ എന്ന ആ പാട്ട് ‘പുഷ്പ 2’ പാട്ടുകൾ ആസ്വദിക്കുന്ന ഹിന്ദി, തെലുങ്ക്, ബംഗാളി, തമിഴ്, കന്നട എല്ലാ ആരാധകരും ഏറ്റുപാടുന്നു. പ്രണവം ശശിയും സിതാര കൃഷ്ണകുമാറും ചേർന്നാണ് ‘പീലിങ്സ്’ ഗാനം മലയാളത്തിൽ പാടിയിരിക്കുന്നത്. മുൻപ് ‘പുഷ്പ’യിലെ ‘സാമി…’ എന്ന പാട്ടും സിതാരയാണ് പാടിയത്.
ഐക്കൺ സ്റ്റാർ അല്ലു അർജ്ജുനും രശ്മിക മന്ദാനയും തീ പിടിപ്പിക്കുന്ന ചുവടുകളുമായി തകർത്താടിയ ഗാനത്തിന് ചുവടുവെക്കുകയാണ് ദിൽഷ പ്രസന്നനും റംസാനും. അതേ വേഷത്തിൽ തന്നെ എത്തി ഇരുവരും ആസ്വദിച്ച് ചുവടുകൾ വെക്കുകയാണ്. വലിയ സ്വീകാര്യതയാണ് ഇരുവരുടെയും നൃത്ത ചുവടുകൾക്ക് ലഭിക്കുന്നത്. ഗംഭീരമായി എന്ന് മാത്രമല്ല, ഒറിജിനലിനെക്കാൾ കൊള്ളാം എന്നാണ് ആരാധകർ പറയുന്നത്. ഡി ഫോർ ഡാൻസ് എന്ന റിയാലിറ്റി ഷോയിലൂടെ എത്തി ബിഗ് ബോസിലൂടെ കരിയർ മാറ്റി മറിച്ചവരാണ് ദിൽഷയും റംസാനും. മലയാളത്തിലെ ഏറ്റവും സംഭവബഹുലമായ ബിഗ് ബോസ് സീസണ്‍ ആയ നാലാം സീസണിലെ വിന്നർ കൂടിയാണ് ദില്‍ഷ. ദിൽഷയുടെ ഫോട്ടോഷൂട്ടുകളും നൃത്തച്ചുവടുകളും ആരാധാകർ എപ്പോഴും ഏറ്റെടുക്കാറുണ്ട്. ദിൽഷ റംസാൻ കോംമ്പോയും ആരാധകർക്ക് ഏറെ പ്രിയപ്പെട്ടതാണ്. അത്തരത്തിൽ തന്നെയാണ് ‘പീലിങ്സ്’ ഗാനത്തിലെ ഇരുവരുടെയും നൃത്തം ആരാധകർ ഏറ്റെടുത്തത്. ബാലതാരമായ വൃദ്ധി വിശാലും ഗാനത്തിന് ഒപ്പം തകർത്താടുന്ന വീഡിയോ പങ്കുവെച്ചിരുന്നു. നിങ്ങൾക്ക് മുൻപേ വൃദ്ധിക്കുട്ടി ഈ ഗാനം തൂക്കി എന്ന കമന്റുകൾ വേറെയും ഉണ്ട്. വൃദ്ധിയുടെ നൃത്തച്ചുവടുകൾക്ക് സാക്ഷാൽ രശ്മിക തന്നെ വൃദ്ധിയുടെ ചുവടുകൾ കമന്റിലൂടെ അഭിനന്ദനം അറിയിക്കുകയും ചെയ്തിരുന്നു.
View this post on Instagram
ഡിസബര്‍ അഞ്ചിനാണ് പുഷ്പ ദി റൂള്‍ റിലീസ് ചെയ്തത്. സുകുമാര്‍ സംവിധാനം ചെയ്ത ചിത്രത്തിന്‍റെ ആദ്യഭാഗം വമ്പന്‍ ഹിറ്റായിരുന്നു. രണ്ടാം ഭാഗത്തെക്കുറിച്ച് സമ്മിശ്ര അഭിപ്രായങ്ങൾ കേരളത്തിൽ ഉയരുന്നുണ്ടെങ്കിലും കർണാടകയിലും തമിഴിലും ചിത്രം തകർത്ത് ഓടുകയാണ്.
