കൊച്ചി: അല്ലു അർജുൻ നായകനായ പുഷ്പ 2 ന്റെ ഹിന്ദി പതിപ്പ് യൂട്യൂബിൽ. മിന്റു കുമാര്‍ മിന്റുരാജ് എന്റർടെയ്ൻമെന്റ് എന്ന പേജിലാണ് ചിത്രത്തിന്റെ പതിപ്പ് അപ്ലോഡ് ചെയ്തത്. അപ്ലോഡ് ചെയ്ത് 8 മണിക്കൂറിനുള്ളില്‍ 25 ലക്ഷത്തിലധികം പേരാണ് വിഡിയോ കണ്ടത്.
തീയേറ്ററിൽ നിറഞ്ഞോടവെയാണ് യൂട്യൂബിൽ ഇത്തരത്തിൽ വ്യാജപതിപ്പെത്തുന്നത്. ഇന്നലെ രാത്രിയാണ് സിനിമ അപ്ലോഡ് ചെയ്തത്. സംഭവം വിവാദമായതോടെ വ്യാജ പതിപ്പിനെതിരെ തെലുഗു ഫിലിം പ്രൊഡ്യൂസര്‍സ് കൗണ്‍സില്‍ പരാതി സമര്‍പ്പിച്ചു. ഇതിനുശേഷം ചിത്രം യൂട്യൂബില്‍ നിന്ന് നീക്കം ചെയ്തു. 1000 കോടി കളക്ഷനിലേക്ക് ചിത്രം നടന്നടുത്തുകൊണ്ടിരിക്കുന്ന വേളയിലാണ് വ്യാജ പതിപ്പ് യൂട്യൂബില്‍ എത്തിയതെന്നത് ശ്രദ്ധേയമാണ്.